Mos u përpiq të jesh njeriu më i zgjuar në dhomë

Mos u përpiq të jesh njeriu më i zgjuar në dhomë


Thuhet se janë dy rregulla që duhen pranuar kur punon për një shef. Rregulli numër 1: shefi ka gjithmonë të drejtë. Rregulli numër 2: kur shefi është gabim, atëherë kthehu te rregulli numër 1.

Shumë njerëz duan të kenë të drejtë për çdo temë. Shumë kompani kanë dështuar nga drejtues, të cilët nuk pranonin aftësitë dhe idetë e punonjësve. Kur drejtuesi pranon se nuk ka përgjigje për çdo gjë, puna rrjedh ndryshe. Ata fillojnë të bëjnë më shumë pyetje, nuk i marrin kritikat personale dhe i mendojnë gjërat nga një perspektivë më e madhe.

Është në rregull të thuash “Nuk e di” apo “Duhet të kërkoj më shumë informacion para se të marrë këtë vendim”. Gjithashtu është e rëndësishme të delegoni marrjen e vendimeve me një koment të tillë “Më thuaj çfarë mendon, i besoj gjykimit tënd”.

“Liderët që nuk dëgjojnë me kalimin e kohës do të rrethohen nga njerëz që nuk kanë asgjë për të thënë”. – Andy Stanley

Punonjësit duan të japin feedback. Të ndajnë ide, sepse besojnë se nuk do të bien në vesh të shurdhër. Në fund të fundit, ti do të kesh një skuadër më produktive, që ndihet e vlerësuar.

Të punosh për një drejtues, i cili kërkon t’i jepet gjithmonë e drejtë mund të jetë demotivuese dhe e bezdisshme. Këta drejtues nuk u japin mundësi punonjësve të rriten dhe të zhvillohen duke u rikthyer në mikromenaxhim. Mikromenaxhimi është një humbje kohe për të gjithë. U merr shpirtin punonjësve, shton ankthin dhe krijon një nivel të lartë stresi në mjedisin e punës. Në fund, njerëzit e zgjuar nuk qëndrojnë shumë gjatë në këto kompani.

Me zhvillimet e teknologjisë dhe nivelin e paprecedent të ndryshimit, drejtuesit duhet të punësojnë njerëz, të cilët janë më të zgjuar se ta dhe të përfshihen në diversitetin dhe ekspertizën e personave në dhomë. Kjo mund të jetë dhe diferenca midis suksesit dhe dështimit. Si lider, ti synon të tërheqesh rritjen dhe inovacionin duke e rrethuar veten me një skuadër të veçantë, që ka aftësi të mira dhe plotësuese.

Zgjidh njerëzit e duhur, ofroju mjetet e nevojshme për të punuar dhe lëri të qetë!

/LinkedIn

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0