Ka disa arsye pse njerëzit mund të ndihen në ankth ose të stresuar. Pandemia e Covid-19 ishte një arsye kryesore për shumë njerëz. Pak më shumë se 40% e të rriturve në SHBA raportuan simptoma të ankthit ose çrregullimit depresiv gjatë pandemisë, sipas Fondacionit Kaiser Family.
Kur ka probleme me paratë, sigurisht që mund të ketë një ndikim në shëndetin tuaj mendor, sipas James, një anëtar i CNBC Invest In You Financial Wellness Council.
“Paratë lidhen me sigurinë dhe kur ka diçka të mundshme që mund të na heqë paratë, siç ishte pandemia e Covid, ajo na heq dhe sigurinë,” tha ai.
Merrni hapa për t’u përpjekur të ndiheni më të sigurtë, si rivlerësimi i planit tuaj të daljes në pension, zvogëlimi i shpenzimeve ose biseda me një këshilltar financiar. Merrni gjithashtu kohë për kujdesin ndaj vetes.
“Nëse jemi kaq të stresuar, kaq të mbingarkuar, kaq të lodhur ose gjendja jonë mendore nuk është në gjendjen më të mirë, ndonjëherë mund të marrim vendime të këqija financiare,” tha James.
Ai sugjeron të bëni një “pushim” përpara se të merrni ndonjë vendim, në mënyrë që të mendoni vërtet nëse është lëvizja e duhur.
“Sigurisht, është e vështirë të jesh plotësisht pa stres. Çelësi është të gjesh mënyra për të hequr stresin mes stresit. Merr frymë thellë. Bëj një shëtitje. Gjej njerëz me të cilët mund të flasësh, në mënyrë që të mund të mposhtës stresin”, këshillon James.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
