Instagram po teston një mënyrë që të mund të shikosh përmbajtjet e miqve, të cilat mund të kesh humbur. Rrjeti social ka filluar të shfaqë Story Highlights të papara nga ndjekësit e përdoruesve në fund të seksionit Stories.
“Ne gjithmonë punojmë në mënyra të reja për të ndihmuar njerëzit të lidhen në Stories dhe po testojmë sjelljen e Highlights-ve të fundit në fund të seksionit me një grup të vogël përdoruesish,” tha një përfaqësues i Meta për TechCrunch.
Kjo veçori u vu re për herë të parë nga eksperti i mediave sociale Ahmed Ghanem.
Pasi Instagram është mbushur me shumë përmbajtje si Reels dhe postime të sponsorizuara, është e lehtë të humbasësh përditësime nga njerëzit që ndjek. Veçoria e re eksperimenton një mënyrë për të siguruar që të mos humbasësh përmbajtje nga miqtë dhe familja jote.
Meta thekson se përdoruesit do të mund të shohin Story Highlights të papara nga java e kaluar.
Story Highlights të papara do të mund të shihen vetëm kur të kalohen të gjitha Stories aktuale në seksionin e Stories. Kjo do të thotë që nëse ndjek shumë njerëz dhe nuk arrin gjithmonë të kalosh deri në fund të seksionit të Stories, mund të mos i shohësh Highlights-t.
Lexo edhe: Prioritizoni dhuratat këtë sezon festash!
Është e rëndësishme të theksohet se veçoria nuk do të shfaqë Stories standarde, por Story Highlights, të cilat janë Stories të kuruara që përdoruesit i kanë ruajtur në profilet e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
