Nga Gushti 2025, përdoruesit e Microsoft Authenticator nuk do kenë më akses në fjalëkalimet e ruajtura! Kompania ka konfirmuar fundin e një epoke: fjalëkalimet po zhduken, për t’u zëvendësuar me teknologji më të sigurta si passkeys.
Në një njoftim zyrtar, Microsoft paralajmëron se hakerat po përpiqen me çdo kusht të përfitojnë nga dobësitë e fundit të fjalëkalimeve, ndaj veprimi i shpejtë i përdoruesve është kritik.
Lexo gjithashtu: Spotify përmirëson përvojën e dëgjuesve për podcast-et
Datat kyçe që duhet të mbani mend:
- Qershor 2025 – S’do mund të ruani fjalëkalime të reja në Authenticator.
- Korrik 2025 – Autoplotësimi i fjalëkalimeve do ndalojë.
- Gusht 2025 – Të gjitha fjalëkalimet e ruajtura do fshihen përgjithmonë!
Microsoft sugjeron përdorimin e shfletuesit Edge për menaxhimin e fjalëkalimeve dhe ruajtjen e të dhënave, duke e shoqëruar edhe me një ekran të ri në aplikacionin Authenticator që nxit përdoruesit të kalojnë në Edge.
Në të njëjtën kohë, passkeys po promovohen si e ardhmja e sigurisë digjitale, me studime që tregojnë se 54% e përdoruesve i konsiderojnë ato më të lehta për t’u përdorur dhe 53% më të sigurta se fjalëkalimet tradicionale.
Microsoft po të kërkon, harro fjalëkalimin, për mire
Nëse ende nuk ke kaluar te passkeys, tani është momenti të përditësosh sigurinë e llogarive të tua, për të shmangur humbjen e të dhënave dhe rrezikun e sulmeve kibernetike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
