Kompania farmaceutike Moderna, e cila është një ndër prodhueset e vaksinave anti-Covid, ka deklaruar se vaksina e saj funksionon kundër varianteve të reja të koronavirusit, të gjetur në Mbretërinë e Bashkuar dhe Afrikën e Jugut.
“Po punojmë sot për një vaksinë të përmirësuar, që ta kemi nëse do të na duhet. Por shpresojmë të mos na duhet. Testet e hershme laboratorike sugjerojnë që antitrupat e shkaktuar nga vaksina mund të njohin dhe luftojnë variantet e reja. Nevojiten më shumë studime për të konfirmuar se kjo është e vërtetë për njerëzit që tashmë janë vaksinuar’’ u shpreh Dr. Tal Zaks, zyrtari kryesor i mjekësisë i Moderna.
LEXO: Vaksina e kompanisë Moderna rezulton e suksesshme tek të moshuarit
Variantet e reja janë përhapur shpejt në një numër vendesh. Ata kanë pësuar ndryshime ose mutacione, që do të thotë se ato mund të infektojnë qelizat njerëzore më lehtë sesa versioni origjinal i koronavirusit, kur filloi pandemia. Ekspertët mendojnë se lloji i ri virusit në Mbretërinë e Bashkuar, i cili u shfaq në shtator, mund të jetë deri në 70% më i transmetueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
