Së shpejti bizneset nuk do të përdorin më kasa fiskale. Pajisja për të cilën bizneset dhe tatimet kanë pasur diskutime të shumta (si për raportimin e saktë të xhiros, kostoja e kasës dhe funksioni i saj) do t’i përkasë të kaluarës. Ministria e Financave po përgatit një projektligj të ri, i cili parashikon se do të ndryshojë plotësisht sistemin e dokumentimit dhe raportimit të aktivitetit sipërmarrës.
Sipas Ministrisë së Financave, kjo nismë është pjesë e reformës për fiskalizimin. Modeli zbatohet aktualisht nga Italia dhe Kroacia dhe pritet të mbyllë hapësirat për evasion fiskal.
Drafti, i cili ende nuk është diskutuar, parashikon që bizneset me xhiro mbi 2 milionë lekë në vit të pajisen me një program të ri. Ai mund të instalohet në kompjuter, në telefonat smart apo edhe tek kasat fiskale të modeleve të fundit.
Lexo: Tatimet: ja kush përjashtohet nga kasa fiskale
Programi lidhet me printer fiskal dhe nga janari 2020 pritet të vihet në praktikë kjo risi. Programi parashikon që çdo transaksion Ai parashikon që çdo transaksion shitje të regjistrohet. Njëkohësisht transaksioni printohet dhe raportohet tek tatimet.
Ky është hapi i parë drejt fiskalizimit ndërsa faza e dytë parashikon të njëjtin sistem transaksionesh mes bizneseve.
Në vlerësimet paraprake programi pritet të kushtojë deri në 80 euro në vit. Për firmën elektronike, pajisja kushton 4 mijë lekë në vit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
