Mirëserdhe në “adultëri”! Tani zbrit me këmbë në tokë - Business Magazine Albania

Mirëserdhe në “adultëri”! Tani zbrit me këmbë në tokë

Gëzuar 18-vjetorin e lindjes. Padyshim ishte një rrugë e gjatë dhe përgëzime sepse ia dole deri këtu, do vazhdosh t’ia dalësh edhe më tej. Megjithatë kjo ishte pjesa përgatitore, sepse lufta e vërtetë fillon tani. 

Ti e ke pritur me padurim këtë ditë, pasi kjo është dita kur ti konsiderohesh maxhoren. Kjo është dita kur më në fund mund të aksesosh gjithë lirinë e cunguar përgjatë viteve të mëparshme. Kjo është dita kur ti i merr dhe jep leje vetes dhe askujt tjetër. Ndërsa këto mendime bëjnë garë në kokën tënde, ti po harron se bashkë me oportunitetin e të qenit adult, vijnë edhe një sërë përgjegjësish. 

Tashmë asgjë nuk të justifikohet, sepse nuk je më fëmijë. Tashmë të gjithë kanë pritshmëri nga ti, sepse nuk je më fëmijë. Tashmë të gjithë i kanë sytë nga ti dhe arritjet e tua, sepse nuk je më fëmijë. Tashmë të gjithë kanë varur shpresat te ti, në rast se do të nevojitet ndihma jote, sepse ti nuk je më fëmijë. Mos harro se ishte dëshira jote fillestare për të mos qenë më fëmijë, por s’besoj se e mendove kaq gjatë, kur fryve qirinjtë e tortës. 

Në vend që të kërkosh të rritesh, kërko të jesh mirënjohës. Kërko të jesh mirënjohës për gjërat më elementare që posedon në këtë jetë, qoftë edhe ushqimi që ke mundësi të konsumosh gjatë një dite. Jo të gjithë e kanë këtë fat, pasi sipas “The world counts” rreth 9 milionë njerëz vdesin nga uria çdo vit. Kërko të jesh mirënjohës se Universi u tregua aq bujar me ty sa të dha afër vetes njerëz që të duan dhe kujdesen për ty, qofshin ata njerëz me të cilët të lidh gjaku apo njerëz me të cilët të lidh jeta. Kërko të jesh mirënjohës për gjithçka që të është dhuruar për këto 18 vite jetë pa t’u kërkuar asgjë në këmbim. Sipas një studimi të Investopedia, të rrisësh një fëmijë deri në moshën 18- vjeçare në SHBA, kushton rreth $284,570. Të njëjtat vlera monetare nuk aplikohen edhe për në Shqipëri, sidoqoftë është mirë të vësh veten në këpucët e të tjerëve për një moment dhe të vlerësosh sakrificat e përkthyera në kosto opportune që dikush ka bërë për ty përgjatë viteve. Sepse vetëm kur je mirënjohës për gjithçka ke, shpërblehesh me më shumë. 

Nuk mund ta ndalosh rritjen, prandaj mos kërko ta përshpejtosh atë. Sa më shpejt të kalosh këtë kufirin imagjinar që aq shumë e dëshiron, aq më shumë e kupton që ke detyrime kundrejt njerëzve që të kanë rritur dhe jo vetëm. Detyrime që në një formë apo një tjetër duhen shlyer, prandaj pse po e pret me kaq padurim çastin kur do të fillosh të lash kredinë? Shumë urime në këtë datë të shënuar për ty, por të lutem lëri tullumbacet me helium të fluturojnë lart në qiell, ndërsa ti bëhu spiranca që i mban ato të lidhura me tokën.

 

Artikull nga Megi Nika – Kontribuese pranë Business Mag Albania
(Opinionet dhe mendimet e reflektuara nga kontribuesit nuk reflektojnë domosdoshmërisht orientimin e redaksisë)

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0