Shefja e Teknologjisë e OpenAI, Mira Murati, e cila ka qenë e rëndësishme në zhvillimin e ChatGPT dhe krijuesit të imazheve të inteligjencës artificiale Dall-E, ka bërë të ditur se po largohet nga kompania.
Shqiptarja me emrin më të njohur në fushën e teknologjisë ka theksuar në një shënim për ekipin OpenAI, postuar në X se, “Gjashtë vjet e gjysmë me ekipin e OpenAI kanë qenë një privilegj i jashtëzakonshëm. Nuk ka kurrë një kohë ideale për t’u larguar nga një vend, megjithatë ky moment duket i duhuri.”
Murati i bashkohet një vargu drejtuesish që janë larguar së fundmi nga OpenAI. Ndryshimi i lidershipit vjen ndërsa krijuesi i ChatGPT përpiqet të krijojë një rrugë të diskutueshme drejt rritjes, duke përfshirë lehtësimin e mbledhjes së fondeve nga investitorët dhe gjenerimin e të ardhurave.
Sam Altman njoftoi emërimin e Mark Chen si zëvendëspresident të lartë të kërkimeve dhe Josh Achiam si drejtues të përputhshmërisë së misionit, për të siguruar një kalim të qetë në këto role të reja. Largimi i Mira Murati ndjek atë të bashkëthemeluesve Greg Brockman dhe John Schulman (që është bashkuar me konkurrentin Anthropic), si dhe të një drejtuesi të ekipit të produkteve dhe një ish-punonjësi të Meta. Më herët këtë vit, bashkëthemeluesi Ilya Sutskever u largua nga OpenAI pas një përplasjeje brenda bordit. Me largimin e Muratit, tani mbeten vetëm dy nga 11 bashkëthemeluesit e OpenAI. Këto lëvizje ndodhin në një moment kur OpenAI prezanton modelin e saj të ri “Strawberry AI”, i projektuar për të përmirësuar “të menduarit” në chatbot-ët gjenerues të inteligjencës artificiale. Kompania synon të trajtojë problemin e “halucinacioneve” – përmbajtje të rreme por bindëse – dhe të ofrojë përgjigje më të sakta.
Kompania, e cila u krijua si një laborator kërkimor jofitimprurës dhe ka ndërtuar një degë si burim të ardhurash, po vlerëson për një ristrukturim që mund të sjellë fitime të mëdha për investitorët. OpenAI thuhet se është në bisedime për një raund të ri mbledhje fondesh që mund të vlerësojë firmën në 150 miliardë dollarë, kanë raportuar Bloomberg dhe të tjerët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
