Thinking Machines Lab, një startup i inteligjencës artificiale i themeluar nga ish-Drejtoresha e Teknologjisë në OpenAI, Mira Murati, ka rekrutuar rreth 30 studiues dhe inxhinierë të njohur nga konkurrentë si OpenAI, Meta dhe Mistral.
Ekipi – rreth dy të tretat e të cilit përbëhet nga ish-punonjës të OpenAI – përfshin Barret Zoph, një studiues të njohur që u largua nga kompania krijuese e ChatGPT në të njëjtën ditë me Murati, në fund të shtatorit. Zoph do të shërbejë si Drejtor i Teknologjisë në startup-in e ri. Bashkëthemeluesi i OpenAI, John Schulman, do të jetë shkencëtari kryesor i startup-it. Schulman u largua nga OpenAI për t’iu bashkuar rivalit Anthropic në gusht, duke deklaruar se donte të “përqendrohej në përafrimin e AI-së”. Përafrimi i AI-së i referohet procesit të kodifikimit të vlerave njerëzore në modelet e inteligjencës artificiale për t’i bërë ato më të sigurta dhe më të besueshme – një fokus kyç për startup-in e Muratit. Murati është një nga një listë në rritje e ish-drejtuesve të OpenAI, të cilët kanë nisur startup-e si Anthropic dhe Safe Superintelligence. Ajo po kërkon të mbledhë fonde nga kapitalistët e sipërmarrjes për startup-in e saj të ri të inteligjencës artificiale, kishte raportuar Reuters në tetor.
Lexo edhe: Yjet e teknologjisë dhe inovacionit. Hakathoni i superideve kreative
“Ndërsa sistemet aktuale shkëlqejnë në programim dhe matematikë, ne po ndërtojmë AI që mund të përshtatet me gjithë spektrin e ekspertizës njerëzore dhe të mundësojë një gamë më të gjerë aplikimesh,” tha startup-i. Kompania planifikon të lejojë kërkime të jashtme mbi përafrimin e AI-së duke ndarë kodin, dataset-et dhe specifikimet e modeleve, u tha më tej. Pasi Murati iu bashkua OpenAI në qershor 2018, ajo shpesh u shfaq përkrah CEO-së Sam Altman si fytyra publike e kompanisë krijuese të ChatGPT.
Dorëheqja e saj e papritur shënoi një tjetër largim të profilit të lartë nga kompania, ndërsa ajo po kalon ndryshime të mëdha në strukturën e saj drejtuese. Para se të punonte në OpenAI, Murati kishte punuar në startup-in e realitetit të shtuar Leap Motion dhe në Tesla.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English