Miqësor me mjedisin? Bashkia e Tiranës mbështet biznesin tuaj

Bashkia e Tiranës

Sipërmarrje të vogla që do aplikojnë parimet e ekonomisë së gjelbër në Tiranë kanë mundësi të përfitojnë grante me 500 lekë pranë Bashkisë së Tiranës.

Vendimi i Ministrisë së Financave, parashikon që projekti të zbatohet për sipërmarrjet që ushtrojnë aktivitet në territorin e Bashkisë së Tiranës. Ajo do të jetë përgjegjëse për zbatimin e planit të ndihmës për periudhën 2020-2022.

Për dy vite, vlera totale e fondit do të jetë 36 milionë lekë. Vlera e fondit për secilin vit do të jetë 12 milionë lekë. Vlera prej 500 mijë lekë do të mbështese 80% të kostove të pranueshme të projektit.

Ky plan ndihme shtetërore në formën e granteve synon të rrisë konkurrencën dhe të fuqizojë disa ndërmarrjeve të vogla dhe të mesme në treg.

Sipas Vendimit të publikuar tashmë në fletoren zyrtare:

Bashkia e Tiranës, brenda datës 31 mars të çdo viti, duhet të paraqesë raport për impaktin e ndihmës shtetërore gjatë vitit paraardhës financiar. Raportet e zbatimit duhet të përmbajnë informacion të detajuar mbi shpenzimet e bëra dhe produktet e arritura. Sakaq, të gjitha për zbatimin e skemës duhet të ruhen deri në dhjetë vjet, pasi ndihma e fundit individuale të jetë dhënë në kuadër të kësaj skeme.

Kostot që do të mbulojë ndihma shtetërore:

-kostot e investimit në asete të prekshme dhe të paprekshme,

-kostot e parashikuara të pagave, në lidhje me punësimin e krijuar drejtpërsëdrejti nga projekti i investimit, të përllogaritura gjatë një periudhe dyvjeçare,

– vendet e punës të jenë të krijuara në mënyrë të drejtpërdrejtë nga projekti i investimit,

– investimi do të konsiderohet si kosto e pranueshme, pra në asete të prekshme dhe/ose të paprekshme për ngritjen e një ndërmarrjeje të re apo zgjerimin e një ndërmarrjeje ekzistuese, për të diversifikuar prodhimin e një ndërmarrjeje me produkte të reja shtesë ose një ndryshim rrënjësor në procesin e përgjithshëm të prodhimit të një ndërmarrjeje ekzistuese.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale