Këto ditë po zhvillohet në Tiranë konferenca e teknologjisë së lartë në Tiranë në datat 20-22 Mars. Konferenca ka tërhequr pjesëmarrës nga vende të ndryshme të botës. Ngjarja synon të nxisë bashkëpunimin teknologjik midis Izraelit, Shqipërisë dhe Evropës, duke bashkuar profesionistë të biznesit nga këto rajone, duke lehtësuar mundësitë e rrjetëzimit dhe shkëmbimit të njohurive.
Ministrja e Mbështetjes për Sipërmarrjen, Edona Bilali, ishte pjesë e këtij eventi. “TIRANA – TEL AVIV TECH WEEK” u organizua në Shqipëri nga Bashkia Tiranë me pjesëmarrjen e ekspertëve nga Izraeli.
Znj.Bilali, ka theksuar në mediat sociale se, “gjatë fjalës sime në plenaren “Shqipëria një treg në zhvillim për teknologjinë dhe inovacionin”, përçova rolin e Ministrit të Shtetit për Mbrojtjen e Sipërmarrjes në ekosistemin shqiptar të startup-eve dhe nomadëve, që lidhet ngushtësisht me teknologjinë dhe botën digjitale”, shkruan ministrja në rrjetet sociale.
Ajo zhvilloi gjithashtu një takim të veçantë me z. Nimrod Yaron, nga kompania Nimrod Yaron & Co., një nga sipërmarrjet kryesore të Izraelit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
