Ministri i Ekonomisë, Arben Ahmetaj, paralajmëroi rritjen e taksave për makinat e luksit.
I ftuar në emisionin “Tonight Ilva Tare”, ministri theksoi se nëse dikush ka një makinë luksi, atëherë duhet të paguajë 500 euro më shumë në vit.
“Ka një taksë që do të rritet, taksa e makinës së luksit. Po ke makinë luksi do të paguash. Në definicion, tani po mendojmë që do të ketë të bëjë me vlerën e makinës, fuqinë motorrike dhe vitin e prodhimit. Ajo do të tatohet me 500 euro më shumë në vit”, u shpreh Ahmetaj.
Ministri foli edhe për ecurinë e ekonomisë shqiptare, investimet, aksionet dhe taksat e biznesit. Ai ka bërë të ditur se Buxheti për vitin 2016 është miratuar nga qeveria dhe sot ka shkuar për diskutim në Kuvend.
Ekonomia shqiptare ka arritur të prodhojë sipas ministrit, rreth 167 mijë vende të reja pune nga viti 2013 e deri tani. Përveç kësaj, Ahmetaj ka thënë se borxhi publik për këtë vit dhe vitin tjetër do të ulet.
/Shekulli/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
