Ministri Dervishaj: Brenda vitit firmoset marrëveshja e transportit me Serbinë - Business Magazine Albania

Ministri Dervishaj: Brenda vitit firmoset marrëveshja e transportit me Serbinë


Ministri i Transportit dhe Infrastrukturës Sokol Dervishaj ka marrë pjesë në punimet e “Organizatës së Bashkëpunimit Ekonomik të Detit të Zi”, që u zhvillua në kryeqytetit serb, Beograd.

Ministri Dervishaj pas samitit, ka dhënë  një intervistë për Agjensinë Shtetërore të Lajmeve Tanjug, ku ka folur për takimin.

Ministri Dervishaj bashkë me Ministren Serbe të Transportit Zorana Mihajlovic, ka firmosur si përfaqësues i Këshillit të Ministrave të Shqipërisë, Marrëveshjen për Transportin Ndërkombëtar  Rrugor të Udhëtarëve dhe Mallrave.

Shqipëria është anëtare bashkë-themeluese e Organizatës së Bashkëpunimit Ekonomik të Detit të Zi (BEDZ/BSEC).

img-20161101-wa0002

Më poshtë intervista e plotë.

“Jam shumë i kënaqur që ndodhem këtu, në këtë takim të rëndësishëm, ku së bashku me homologen serbe Mihajlovic, firmosëm “Marrëveshjen për Transportin Rrugor për Udhëtarët dhe Mallrat” mes vendeve tona. Kjo është një marrëveshje shumë e rëndësishme për raportet bilaterale Shqipëri-Serbi, sidomos tani që dialogu politik në nivelin e lartë, është konstruktiv, ku ka patur vizita të Kryeministrave të dy vendeve, duke krijuar dhe dhomën e ekonomike mes 2 vendeve.

Tani ka ardhur koha për t’i materializuar këto raporte me hapa konkrete. Në kuadër edhe të Procesit të Berlinit dhe Axhendës së Konektivitetit, me rëndësi mbetet planifikimi strategjik i rrugëve dhe autostradave në rajonin e Ballkanit Perëndimor, për t’i afruar më shumë vendet, ekonomitë dhe popujt tanë. Prandaj besoj se është me shumë rëndësi, që ajo që planifikojmë dhe projektojmë sot, të jetë në shërbim të së nesërmes së përbashkët.

Marrëveshja me Serbinë krijon lehtësira në transportin rrugor, si për udhëtarët ashtu dhe për operatorët ekonomik dhe bazohet në parimin e reciprocitetit. Ky është një zhvillim që do t’a konsideroja pozitiv në marrëdhëniet mes 2 vendeve tona. Në lidhje me shkëmbimet ekonomike, them se kemi potenciale ende të pashfrytëzuara mirë, si Porti i Durrësit apo dhe i Vlorës, që janë pika kyçe dhe mund të shërbejnë si një portë hyrëse dhe dalëse për rajonin e Ballkanit, me Europën Perëndimore dhe me lindjen”.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0