“Soros Fund Management”, kompania e menaxhimit të aseteve, e themeluar nga investitori miliarder dhe filantrop George Soros, ka zbuluar se zotëron kriptovalutën bitcoin.
Zyra e familjes zotëron “disa monedha … por jo shumë”, tha Dawn Fitzpatrick, CEO dhe shefi kryesor i investimeve në Soros Fund Management, në një intervistë për Bloomberg.
“Soros Fund Management”, i cili është i njohur për fitimet e mëdha nga investimet në monedhën tradicionale, nuk iu përgjigj menjëherë një kërkese të CNBC për koment kur u pyet se sa Bitcoin zotëron dhe kur i bleu ato.
“Unë nuk jam i sigurt se Bitcoin këtu shihet vetëm si një mbrojtje e inflacionit,” tha Fitzpatrick. “Unë mendoj se ka kaluar barierrat për të hyrë në rrjedhën kryesore.”
Fitzpatrick vazhdoi të shpjegojë se si kriptovalutat tani kanë një vlerë tregu prej më shumë se 2 trilionë dollarë, me mbi 200 milionë përdorues.
Çmimi i bitcoin, kriptomonedhës më të njohur në botë, është rritur 10% nga rreth 50,000 dollarë në mbi 55,000 dollarë nga dita në ditë.
Një javë më parë çmimi i bitcoin ishte rreth 43,000 dollarë, ndërsa në fillim të vitit një bitcoin mund të blihej për rreth 29,000 dollarë.
Rritja e fundit e Bitcoin vjen pavarësisht kërcënimit të vazhdueshëm të goditjeve rregullatore nga qeveritë në të gjithë botën dhe shqetësimeve në lidhje me emetimet e mëdha të karbonit në mjedis.
Frika rregullatore e SHBA është lehtësuar këtë javë pasi si Sekretarja e Thesarit Janet Yellen ashtu edhe Kryetari i SEC Gary Gensler thanë se nuk kanë në plan të vendosin kufizime në tregtimin e kriptomonedhës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
