Microsoft po negocion për të blerë aplikacionin Tik Tok

Tik Tok

Kompania amerikane “Microsoft” është duke diskutuar blerjen e aplikacionit “TikTok”. Lajmi është raportuar nga New York Times, të cilët citojnë një burim anonim nga brenda kompanisë.

Lajmet për blerjen e mundshme të TikTok nga Microsoft janë raportuar më herët nga FOX Business. TikTok zotërohet aktualisht nga “Bytedance”, një kompani kineze me qendër në Pekin.

Debatet e fundit midis SHBA-së dhe Kinës kanë bërë që edhe TikTok të futet në qendër të debateve të ndryshme politike. Presidenti Trump deklaroi vetëm pak ditë më parë se TikTok mund të ndalohej në SHBA, pasi kishte shqetësime se kompania po u vidhte amerikanëve të dhëna personale.

Lexoni: Apple tejkalon Saudi Aramco-n, bëhet kompania më me vlerë në botë

Trump u akuzua se i bëri këto kërcënime për shkak të disa përdoruesve të rinj amerikanë, të cilët nëpërmjet TikTok përhapën idenë për të blerë bileta te një miting i Trump, dhe pastaj të mos shkonin, që të dukej bosh.

Tiktok, që ka rreth 80 milionë përdorues të rregullt në SHBA, i mohoi menjëherë akuzat dhe ka thënë se nuk i mban fare të dhënat e saj në Kinë, por në SHBA, me një server rezervë në Singapor.

Në fakt, aplikacioni që Tik Tok përdor në Kinë është plotësisht i ndarë nga ai ndërkombëtar, madje quhet Douyin. Pas kësaj, Tik Tok bëri një deklaratë ku premtonte rishikim të algoritmeve për të garantuar një nivel të ri transparence.

Veç kësaj, duke parë ngjarjet e fundit me Huawei-n, gjigandin kinez të komunikimit që po ndalohet në disa tregje perëndimore, Tik Tok bëri një lëshim të madh dhe pranoi që të shiste shumicën e aksioneve në SHBA e pronarët kinezë të ishin në pakicë, por kjo u refuzua nga Shtëpia e Bardhë.

Trump ka thënë se do të bëjë kërkesë që TikTok të bllokohet në Amerikë. Edhe pse në Tiktok ka përdorues republikanë nga SHBA-të, statistikat tregojnë se republikanët janë më shumë persona në moshë të madhe. Pjesa dërrmuese e përdoruesve në TikTok janë nën 20 vjeç, të cilët përputhen me profilin e liberalëve.

Sjellja e Trump ngre dyshime edhe për mundësinë e blerjes së TikTok nga SHBA. Aplikacioni kinez ka pasur një rritje të madhe kohët e fundit, sidomos mes të rinjve.

New York Times

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale