Një makinë Mercedes-Benz, në fazë testi, ka udhëtuar mbi 1000 kilometra (621 milje) në katër vende, me një karikim të vetëm.
Mercedes Vision EQXX, i shpallur si “makina elektrike me efikasitet më të lartë në botë”, u nis nga Sindelfingen në Gjermani drejt Cassis, në jug të Francës, duke kaluar gjatë rrugës nëpër Zvicër dhe Itali.
Udhëtimi përfshinte kushtet reale të trafikut në qytete, udhëtim me 140 km/h (87 mph) në autostradë dhe një pjesë që kalonte në Alpet zvicerane.
“Me udhëtimin tonë të suksesshëm rrugor në jug të Francës, ne kemi treguar se efikasiteti është monedha jonë e re,” tha Markus Schäfer, shefi i teknologjisë në Mercedes-Benz Group AG.
Ai shtoi se, Vision EQXX është rezultat i një programi gjithëpërfshirës, që ofron një plan për të ardhmen e inxhinierisë së automobilave… Ne do të vazhdojmë të testojmë kufijtë e asaj që është e mundur.”
Udhëtimi u krye në një ditë të vetme, me një total prej 1,008 km dhe përfundoi me 15 për qind nivelin e karikimit të mbetur ende në bateri.
Vision EQXX është vetëm një makinë e konceptuar dhe nuk disponohet ende në treg, por Mercedes shpreson se do të ofrojë një plan për automjetet e ardhshme, me disa zhvillime innovative, që tashmë janë integruar në prodhim.
Makina përfshin një çati fikse diellore që përmban 117 qeliza diellore, të cilat ushqejnë baterinë 12 volt që furnizon me energji sistemin elektrik brenda automjetit, siç është sistemi i navigimit. Kjo parandalon humbjet te bateria kryesore dhe rrit diapazonin me rreth 2 për qind.
“Vision EQXX është Mercedesi më efikas i ndërtuar ndonjëherë”, tha Ola Källenius, drejtuese e Bordit të Menaxhimit në Mercedes.
“Programi i tij i teknologjisë shënon një moment historik në zhvillimin e automjeteve elektrike. Ai mbështet synimin tonë strategjik për të ‘udhëhequr me energji elektrike’”, tha ajo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English