Call center e fabrikat fason do të mbyllen deri në një njoftim të dytë. Këtë e bëri të ditur kryeministri Edi Rama në daljen e tij publike. Madje ai paralajmëroi se këto sipërmarrje mund të mbyllen përfundimisht nëse pas rihapjes nuk përmbushin detyrimet.
Kryeministri tha se, “sot kemi marrë një sërë inspektimesh në kompanitë fasonë dhe call-center, të cilat do të jenë të mbyllura njësoj si të tjerat nga nesër deri në fund të këtij afati, por janë të detyruara të respektojnë të gjitha distancat teknike të sigurisë dhe të gjithë elementët e sigurisë për çdo punonjës. Në rast se kur do të rifillojnë aktivitetin do të konstatohet se nuk kanë kryer të gjitha detyrimet për të mbrojtur veten, punonjësit dhe të gjitha familjet dhe kontaktet e tyre jo vetëm që do të mbyllen, por do të marrin përsipër kompanitë çdo kosto të kësaj mbyllje sepse në këtë rast është thjesht dhe vetëm neglizhenca e tyre dhe jo një mbyllje për një forcë madhore, të paktën në këtë fazë të planit për zbrapsjen e këtij armiku që na kërcënon, për të cilin ne do ta mundim”.
Më parë kryeminsitri ka bërë të ditur ndalimin e transportit publik dhe privat mes Tiranë-Durrës dhe mes tyre e qyteteve të tjera duke nisur nga e premtja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English