Mbledhja e parë e Komitetit Drejtues për projektin EU4Innovation, u zhvillua në ambientet e Ministrisë së Financave dhe Ekonomisë. Përfaqësues nga Delegacioni i Bashkimit Evropian në Shqipëri, Ambasadës Gjermane dhe Suedeze në Tiranë, Ministrisë së Financave dhe Ekonomisë, Ministrit të Shtetit për Sipërmarrjen dhe Klimën e Biznesit, GIZ në Shqipëri dhe EU4Innovation, ishin prezentë dhe aktivë gjatë mbledhjes.
Zëvendësministri i Financave dhe Ekonomisë, Endrit Yzeiraj tregoi entuziazëm për aktivitetet e Aksionit, duke përfshirë dhe Challenge Fund si mjete që mbështesin ekosistemin e inovacionit në Shqipëri.
Znj. Delina Ibrahimaj, Ministër Shteti për Sipërmarrjen dhe Klimën e Biznesit, cilësoi se për të patur një impakt më të lartë, të punuarit bashkë luan rol vendimtar për të patur një Aksion të përbashkët me objektiva të përbashkëta. MSSKB do të vijojë me mbështetjen për startup-et e të gjitha fazave në Shqipëri me më shumë fonde.
Z. Hubert Perr, Shefi i Bashkëpunimit në Delegacionin e BE-së në Shqipëri tregoi mirënjohje për bashkëpunimin e vazhdueshëm ndërmjet Bashkimit Evropian dhe qeverisë Shqiptare. Ai ndau se në fazën e dytë të projektit më shumë Aksion është i nevojshëm për të mbështetur startup-et Shqiptare në rritjen e tyre.
Falenderime të përzemërta Bashkimit Evropian në Shqipëri dhe ministrive partnere të projektit për mbështetjen e tyre të plotë!
![](https://businessmag.al/wp-content/uploads/2024/01/1705424050935.jpg)
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.