Nga Fatima Gorezi – Me mbi 17 vite përvojë në Bankën Botërore, pozicione drejtuese në Kosovë, Maqedoninë e Veriut dhe më herët si Menaxher i Zyrës së Grupit të Bankës Botërore për Evropën Jugore, Massimiliano Paolucci vjen në Shqipëri si njohës i mirë i sfidave, por edhe mundësive për zhvillim në Ballkanin Perëndimor. Ky rrugëtim i ka mësuar atij se pavarësisht kontekstit që ka secili vend, ato ndajnë aspirata të përbashkëta: rritje ekonomike rezistente për t’i bërë ballë goditjeve, integrim në BE dhe mirëqënie për qytetarët e tyre. Mësimet e nxjerra nga përvoja në rajon si dëgjimi i komuniteteve, forcimi i institucioneve, investimi në aftësi, promovimi i digjitalizimit dhe nxitja e dialogut gjithëpërfshirës tani përcaktojnë qasjen e tij për Shqipërinë.
Prej më shumë se tri dekadash, Banka Botërore është partner kyç në transformimin ekonomik dhe tranzicionin e Shqipërisë drejt një të ardhmeje më të begatë. Sot, ndërsa vendi po përshpejton axhendën e integrimit në BE dhe po përballet me sfida demografike dhe klimatike, ky partneritet merr një rëndësi edhe më të madhe.
Nën drejtimin e tij, Banka Botërore po e mbështet Shqipërinë në ruajtjen e stabilitetit makroekonomik, nxitjen e rritjes ekonomike të udhëhequr nga sektori privat, si dhe përparimin e reformave klimatike dhe të gjelbra në shkallë të gjerë që do të sigurojnë vende të reja pune. Në këtë intervistë, Paolucci reflekton mbi eksperiencen e deritanishme që përcakton qasjen e tij, prioritetet strategjike të Bankës për periudhën 2023–2027 dhe se si Shqipëria mund të shfrytëzojë kapitalin njerëzor, inovacionin, bashkëpunimin rajonal dhe qëndrueshmërinë për të ndërtuar një të ardhme më të mirë.
Me mbi 17 vite përvojë në Bankën Botërore, gjatë së cilës ju keni qenë në pozicione drejtuese në Kosovë, Maqedoninë e Veriut dhe më herët si Drejtues i Zyrës së Grupit të Bankës Botërore për Evropën Jugore, cilat nga këto përvoja kanë ndikuar më shumë në qasjen tuaj ndaj zhvillimit në Shqipëri? Dhe cilat janë prioritetet kryesore strategjike të Grupit të Bankës Botërore për Shqipërinë gjatë mandatit tuaj?
Rrugëtimi im në Ballkanin Perëndimor ka qenë një privilegj dhe një përvojë e vlefshme që më ka mësuar shumë. Megjithëse secili vend ka kontekstin e vet unik, ato kanë tipare të përbashkëta, njerëz të talentuar dhe objektiva të qarta për rritje ekonomike, integrim në BE dhe një jetë më të mirë për qytetarët e tyre.
Përvoja në Kosovë dhe Maqedoninë e Veriut më mësoi se të dëgjosh qytetarët dhe të investosh në mirëqënien dhe në aspiratat e tyre për të ardhmen, të punosh për forcimin e institucioneve, nxitjen e digjitalizimit, dhe dialogut gjithëpërfshirës, janë thelbësore për zhvillimin e qëndrueshëm. Këto mësime vlejnë edhe për Shqipërinë.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
