A keni marrë mesazhe të çuditshme kohët e fundit nga vetja juaj?
Mos u shqetësoni, nuk jeni vetëm. Tendenca më e fundit në mesazhet me tekst të padëshiruar përfshin përdoruesit e telefonave celularë që marrin mesazhe nga ai që duket të jetë numri i tyre i telefonit.
Mesazhet zakonisht pretendohet se vijnë nga operatori celular i përdoruesit, duke iu referuar faturës së marrësit dhe duke përfshirë një link me një “dhuratë falas”. Link-u ju çon në faqet e internetit potencialisht me qëllim të keq, sipas përdoruesve në Reddit dhe Twitter.
E gjithë kjo është një eksperiencë shumë konfuze. Ja çfarë duhet të dini për këto mesazhe të padëshiruara dhe çfarë mund të bëni në një situatë të tillë:
Ekspertët e sigurisë sugjerojnë që duhet të jeni gjithmonë të kujdesshëm ndaj përgjigjes së telefonatave ose mesazheve nga numra të paidentifikuar ose të panjohur.
Gjithashtu, ju nuk duhet të “ndani kurrë informacionin tuaj personal ose financiar përmes emailit, mesazheve ose përmes telefonit”. Këshillohet që të mos klikoni në link-et ose bashkëngjitjet që merrni në çdo mesazh me tekst dhe duhet të telefononi mikun tuaj që ju dërgon këto mesazhe para se të klikoni link-un, për t’u siguruar që ato nuk janë hakuar.
Lexoni edhe: Si të mbrohemi nga vjedhja e të dhënave në whatsapp
Verizon ofron këshilla të ngjashme për reagimin mashtrime të ndryshme që përfshijnë mesazhe të dyshimta. Kompania thotë se nuk duhet t’u përgjigjeni fare mesazheve të dyshimta.
Nëse klikoni në një link me qëllim të keq, ekspertët thonë se zgjidhja juaj më e mirë është të shmangni futjen e ndonjë informacioni dhe të shkëpusni pajisjen tuaj nga interneti sa më shpejt të jetë e mundur. Më pas, shkoni te cilësimet e pajisjes tuaj, kontrolloni për ndonjë aplikacion që nuk ju kujtohet të keni shkarkuar dhe fshijini.
Ju gjithashtu mund të përdorni një aplikacion antivirus për të skanuar pajisjen tuaj për malware dhe për të ndryshuar fjalëkalimet e çdo llogarie që mendoni se mund të jetë prekur. Nëse mendoni se informacionet tuaja personale ose financiare mund të jenë në rrezik, mund të ngrini llogarinë tuaj, për të shmangur vjedhjen e mundshme të identitetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English