Shefi ekzekutiv i Facebook Mark Zuckerberg ishte në udhëtimin e tij në Afrikë, i cili iu ndërpre nga disa lajme mjaft të këqija të enjten që kaloi: Një raketë SpaceX shpërtheu në një vend lëshimi në Florida, duke shkatërruar një satelit që Facebook kishte në plan t’a përdorte për t’iu ofruar akses në internet një pjese të kontinentit që ai është duke e vizituar.
“Gjatë kohës së qëndrimit tim këtu në Afrikë, unë jam thellësisht i zhgënjyer të dëgjoj se dështimi i nisjes së SpaceX shkatërroi satelitin tonë, që do kishte lidhur shumë sipërmarrës me çdo njeri tjetër në të gjithë kontitentin”, ka shkruan në Facebook Zuckerberg disa ore pas incidentit.
“Për fat të mirë, ne kemi zhvilluar teknologji të tjera si Aquila që do të lidhin njerëzit. Ne mbetemi të angazhuar në misionin tonë që t’i lidhim të gjithë, dhe ne do të vazhdojmë të punojmë deri sa të gjithë të kenë mundësinë që ky satelit do t’a sigurojë, “shtoi ai.
Deklarata e Zuckerberg lexohet si një goditje nga miliarderi Elon Musk, CEO i SpaceX, si dhe i kompanisë Tesla. Nga ana e tij, Musk shkroi në Twitter të enjten se problemi kishte të bënte me depozitën e oksigjenit në pjesën e sipërme të raketës, edhe pse nje shkak i saktë ende nuk është përcaktuar. Raketa SpaceX, një Falcon 9, ishte duke u testuar për një provë në kohën e shpërthimit; ajo nuk ishte vendosur për t’u nisur deri më 3 shtator. Incidenti nuk ka patur ndonjë viktimë.
“Përafërsisht në 9:07 paradite, gjatë një testi standard zjarri për AMOS-6 para lëshimit, ka pasur një anomali në Cape Canaveral Space Launch Complex 40 të SpaceX e cila ka rezultuar në humbjen e mjetit”, tha Phil Larson, një Zëdhënës i SpaceX, në një deklaratë të enjten pasdite. “Anomalia e ka origjinën rreth pjesës së sipërme në depozitën e oksigjenit dhe ka ndodhur gjatë ngarkimit shtytës të mjetit. I gjithë personeli ishin të pajisur me masa mbrojtëse dhe nuk pati viktima. Ne po vazhdojmë të shikojmë të dhënat për të identifikuar shkakun e këtij incidenti.”
Incidenti i së enjtes shënon një të metë në të dhënat e SpaceX, e cila nuk kishte ndodhur qëkur një Falcon 9 kishte humbur gjatë një nisjeje në qershor të vitit të kaluar. Ky shpërthim pohoi një tjetër viktimë të teknologjisë.
Së bashku me një operator satelitor francez, Facebook ka shpenzuar rreth 95 milionë $ për të marrë me qira një kapacitet në satelit gjatë pesë viteve të ardhshme. Sateliti, Amos-6, është ndërtuar nga firma satelitore izraelite Spacecom.
burimi: Time
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English