Investitori dhe pronari i ekipit të basketbollit Dallas Mavericks, Mark Cuban komentoi se Dogecoin është kriptovaluta “më e fortë” si një mjet pagese. Gjithashtu, miliarderi postoi në llogarinë e tij në Twitter se do të ketë një promovim të mallrave të ekipit për ata që paguajnë me “doge”.
“Së shpejti do të bëhen shitje për Mavs.com me çmime speciale për ata që paguajnë me @dogecoin !!!” shkroi manjati.
Cuban tha për CNBC se doge “është një medium që mund të përdoret për blerjen e mallrave dhe shërbimeve” dhe shtoi se “është më i forti kur bëhet fjalë për ta përdorur atë si një mjet shkëmbimi”.
Për pronarin e Dallas Mavericks, Bitcoin është më shumë si ari: domethënë, diçka në të cilën investohet për të parë fitimet në planin afatgjatë.
Lexoni: Dogecoin, kriptomonedha që u krijua si shaka, vazhdon rritjen
Por kjo nuk është diçka e re, të paktën jo sipas Elon Musk
Pronari miliarder i Tesla dhe SpaceX iu përgjigj tweet në mediat amerikane me një mesazh që thoshte: “Unë e kam thënë këtë për një kohë të gjatë.”
Musk është njohur për mesazhet e tij të diskutueshme në lidhje me kriptovalutat dhe njerëzit madje kanë menduar se ai ka interesa shumë të thella për disa prej tyre pasi në varësi të komenteve të tij pozitive ose negative ato rriten ose ulen në çmim, respektivisht.
Megjithëse dogecoin u krijua si një shaka dhe krijuesit e tij kurrë nuk synuan që ai të merrej seriozisht, si Musk ashtu edhe Cuban e shohin atë si një monedhë dixhitale të dobishme.
/cnbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
