Një universitet malajzian po mendon të përdorë robotë të pajisur me uniformë diplomimi dhe tabletë, për të zëvendësuar studentët gjatë ceremonisë së diplomimit, për të shmangur çdo rrezik të kontaminimit nga koronavirusi. Por, studentët e kundërshtuan këtë ide, duke kërkuar një ceremoni të vërtetë.
Në një video demonstrative, transmetuar nga universiteti ”Sultan Zainal Abidin”, shfaqen dy robotë të veshur me uniformën karakteristike, të cilëve iu jepet një diplomë nga zyrtarët e universitetit në emër të studentëve, identiteti i të cilëve shfaqet në tablet.
Profesori i asociuar, Engku Fadzli Hasan Syed Abdullah, i cili kryeson ekipin e robotëve, sqaroi se kjo do t’i lejonte studentët të merrnin pjesë në distancë në këto ceremoni diplomimi. “Ne do të shfaqnim fytyrën e studentit në kokën e robotit përmes një aplikacioni video-konference”, i tha AFP-së akademiku nga universiteti në shtetin verilindor të Terengganu.
Sidoqoftë, studentët nuk e kanë aprovuar ketë ide dhe kërkuan që universiteti të shtyjë ceremonitë e planifikuara fillimisht për tetor dhe nëntor. “Unë jam i gatshëm të pres një, dy, tre ose më shumë vite, por ju lutem më lini ta shijoj,” shkroi Nurhazwani Sa’aid në faqen e institucionit në Facebook. Engku Fadzli megjithatë tha se kjo është thjesht një ide dhe se universiteti do të bënte çmos për të zhvilluar ceremoninë e diplomimit.
Malajzia ka pasur një shpërthim relativisht të moderuar të virusit, me afro 8,000 njerëz të infektuar dhe 115 vdekje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
