Prodhuesi i çipave të smartphone-ëve Qualcomm ka krijuar një sistem të ri që lejon makinat elektrike të karikohen ndërkohë që janë në lëvizje, madje edhe me shpejtësi të lartë.
Krijimi i autostradave të tilla mund të revolucionarizojë tregun e makinave elektrike dhe t’u japë fund dy problemeve kryesore (distanca dhe koha e gjatë e rimbushjes) që pengojnë miratimin e tyre sot.
Demonstrimi i parë i drejtpërdrejtë i një rruge të ngjashme me kompaninë e teknologjisë Scalextric u zhvillua javën e kaluar në Francë. Ajo funksionon duke lidhur një numër blloqesh ‘wireless’ të Qualcomm, të dizajnuara për të karikuar makinat elektrike kur janë të parkuara, në një pjesë të asfaltit.
Dy kamionë Renault, të konvertuar për të punuar në sinkronizim me blloqet induktivë të karikimit në sipërfaqen e rrugës, operuan në shtrirjen e shkurtër të autostradës për të treguar se kjo teknologji është e aftë të karikojë bateritë e disa automjeteve që lëvizin në të njëjtën kohë. Sipas Qualcomm e rëndësishme është se shpejtësia në të cilën udhëtojnë automjetet, nuk ka ndikim në normën e karikimit.
Lexoni: SAYTAXI ALBANIA: NJË SHQIPËRI E PASTËR ME MAKINA ELEKTRIKE
Firma, e cila prodhon çipat për telefonat Android dhe Apple, po zhvillon teknologjinë në partneritet me institucionin hulumtues francez Vedcome, si pjesë e një projekti prej 9 milionë eurosh duke shqyrtuar mundësinë e karikimit të automjeteve elektrike pa tel, të quajtur FABRIC.
Burimi: acp.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English