Lubjana është kryeqyteti i Sllovenisë. Ajri është i pastër dhe popullata me drerë, lepuj dhe breshka jetojnë aty.
Lubjana është kryeqyteti i parë Europian që synon të arrijnë zero-mbetje. Por, para 15 vitesh, të gjitha mbetjet derdheshin në landfille. Kjo ishte shumë e kushtueshme sepse zihej hapësirë dhe shpërdoroheshin shumë burime.
Ndaj qyteti vendosi të ndryshojë.
Në vitin 2002, nisi ndarja e mbetjeve në kategori: letër, xham, plastikë në kontenierë të ndryshëm. Katër vite më vonë, qyteti nisi të mbledhë mbeturina derë më derë.
Koleksioni i bio mbeturinave do të bëhet i detyrueshëm në të gjithë Europën në vitin 2023, por Lubjana ka dy dekada që e zbaton këtë.
Objektet që nuk janë të thyera ripërdoren: ato kontrollohen, pastrohen dhe shiten me çmim më të ulët.
Dyqanet zero-mbeturina janë një trend në rritje në Lubjanë. Edhe pse i mbushur me turistë, qyteti është i pastër. Thuajse çdo rrugicë ka kosha të ndarë për letër, paketime dhe teprica të tjera.
Qendra Rajonale për Menaxhimin e Mbetjeve (RCERO) u hap në 2015 dhe sot i shërben pothuajse një të katërtës së gjithë Sllovenisë, duke përdorur gaz natyral për të mundësuar ngrohjen dhe elektricitetin, procese këto që realizohen nga riciklimi i 95% të mbetjeve vendase, ku vetëm 5% e tyre dërgohen në landfille.
Parandalimi, ripërdorimi dhe riciklimi janë kryesor. Përveç mbledhjes derë- më-derë, Lubjana ka dhe dy qendra të mëdha të riciklimit të mbetjeve ku qytetarët depozitojnë mbetjet e tyre. RCERO është pika më e famshme, që ka më shumë se 1000 vizita në ditë dhe qyteti planifikon të ndërtojë të paktën dhe tre pika të tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
