Ashtu si Porsche, edhe Lotus feston 70 vjetorin e saj këtë vit. Ndonëse kompania nuk ishte krijuar deri në vitin 1952, themeluesi, Colin Chapman, ndërtoi makinën e parë të tij, Lotus Mark I, në vitin 1948.
Për të festuar 70 vjetorin e makinës së parë dhe disa momente historike motorsporti, Lotus prezantoi 2 edicione speciale të modelit Exige. Ato u prezantuan në Goodwood Festival of Speed pak ditë më parë, me ngjyrat e tyre të personalizuara dhe interiorin unik të dizejnuara nga Lotus Exclusive.
Lotus Exige Type 49 dhe Type 79, janë të bazuara në modelin Exige Cup 430, i fokusuar për pista. Ky model është gjithashtu makina më e shpejtë e kompanisë nga Norwich i Britanisë së Madhe. Ty dyja makinat kanë aksentet të ngjyrosura në Championship Gold, disqet ngjyrë ari, pincat e frenave ngjyrë të kuqe, logo speciale, sedilje me alcantara dhe fibër karboni, dhe levë marshi me dru.
Exige Type 49, është një homazh për Type 49, makinën që fitoi Formula 1 në vitin 1968 me Graham Hill.
Kurse Exige Type 79, feston një sukses tjetër të kompanisë në Formula 1. Në vitin 1978, kompania fitoi një tjetër kampionat të Formula 1. Makina, është mbaruar duke përdorur ngjyrat nga John Player Special livery që Type 79 mbante atë vit.
“Është historike që ne ia dolëm të prezantojmë Celebration Exiges në Goodwood. Veçanërisht për faktin që vetë makinat që na inspiruan, janë gjithashtu këtu dhe në aksion.” – u shpreh Feng Qingfeng, CEO i Group Lotus. Vlen për t’u përmendur fakti se Lotus që prej thuajse 1 viti është pronë e kompanisë kineze Geely.
“Këto prodhime festive, janë një homazh për të shkuarën tonë. Por, nga ana tjetër flasin edhe për të ardhmen tonë. Ne vazhdojmë të jemi të vërtetë në principet tona për të ndërtuar makina.” – vazhdoi ai.
Makinat ishin të ekspozuara në Goodwood Festival of Speed deri në mbyllje të eventit në datë 15 korrik.
Është me të vërtetë për të ardhur keq që marka të tilla janë kaq pak të njohura në Shqipëri. Shumë do të thonin se janë mundësitë ekonomike. Por, shifrat dhe aktualiteti tregojnë që problemi qëndron diku tjetër.
Burimi: The Drive
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
