OpenAI po hyn në tregun e rekrutimit të punonjësve me një projekt të ri për zhvillimin e një platforme punësimi të fuqizuar nga AI, e cila synon të lidhë bizneset me punëkërkuesit.
Në një postim në blog, Fidji Simo, CEO i Aplikacioneve në OpenAI, bëri të ditur se faqja, e quajtur OpenAI Jobs Platform, do t’i mundësojë njerëzve të “përdorin inteligjencën artificiale për të gjetur përputhjen e përsosur mes asaj që kompanitë kërkojnë dhe asaj që punonjësit mund të ofrojnë.”
Lexo edhe: Mbi 10 startup-e evropiane arritën statusin “unicorn” në vitin 2025
Simo shtoi gjithashtu se, përveç mbështetjes për kompanitë e mëdha, platforma do të ketë një seksion të dedikuar për t’i ndihmuar bizneset lokale të konkurrojnë, si dhe qeveritë lokale të gjejnë talentin në fushën e AI për të shërbyer më mirë komunitetin e tyre.
Ky projekt e vendos OpenAI në një garë të drejtpërdrejtë me LinkedIn, platforma e punësimit në pronësi të Microsoft (MSFT), i cili njëkohësisht është edhe investitor në OpenAI. Ende nuk ka një datë zyrtare për lançimin, por sipas TechCrunch, një zëdhënës i kompanisë ka deklaruar se shërbimi pritet të dalë në treg deri në mesin e vitit 2026.
Ndërkohë, edhe vetë LinkedIn po shton gjithnjë e më shumë veçori të fuqizuara nga AI për të ndihmuar përdoruesit në përputhjen e roleve të reja me nevojat e kompanive.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
