BusinessMag do të sjellë këto ditë opinione të sipërmarrësve. Si kanë reaguar ata ndaj situatës, nëse e kanë mbyllur aktivitetin apo po punojnë remote dhe cilat janë parashikimet dhe pritshmëritë e tyre nga qeveria. Më poshtë gjeni opinionin e znj. Linda Shomo, themeluese dhe drejtuese e EasyPay. Ajo sot është në sfidën e saj të menaxhimit të stafit dhe funksionimit të rrjetit të pagesave online, duke punuar nga shtëpia.
Probabiliteti që ekonomia globale dhe vendase të shkojnë në recesion sa vjen e rriten teksa pandemia botërore, Coronavirus, vazhdon të përhapet.
Deri disa muaj më parë, askujt nuk i shkonte ndërmend që diccka e tillë mund të ndodhte. Realiteti ku ndodhemi është thuajse distopik – aeroporte bosh, biznese të mbyllura dhe spitale që mbushen. Sa më shumë që të zgjasë pandemia, aq më i lartë është rreziku që situata aktuale të transformohet në një krizë financiare të ngjashme me atë të vitit 2008 apo edhe më keq.
Megjithëse të gjithë kemi mirëpritur strategjinë dhe masat e rrepta të qeverisë për parandalimin e përhapjes së Covid19, ndërkohë të gjitha bizneset shqiptare tashmë e dinë që po kalojnë dhe do vazhdojnë të kalojnë momente shumë të vështira në muajt në vazhdim dhe pritje nga qeveria për masa mbrojtëse dhe lehtësuese. Sektorët më të prekur nga kriza janë sigurisht turizmi, transporti dhe tregtia.
Disa nga masat që kanë marrë qeveritë e vendeve të tjera dhe qe do ishte mirë të merreshin edhe nga qeveria apo Banka e Shqipërise do të ishin:
- Blerja e bondeve shtetërore që të rritet likuiditeti në treg
- Ulja e metejshme e normave të interesit
- Të incentivohet sa më shumë kredidhënia duke alokuar buxhete shtesë sa më të mëdha, kjo e koordinuar me suportin e institucioneve ndërkombetare.
- Oraret shumë të kufizuara të punës që janë vendosur aktualisht, të mund të suportohen nga qeveria me pagesa të pjesshme për punonjësit e biznesit, për orët që nuk punohet.
- Të alokohen shuma të mëdha nga qeveria apo nga institucionet ndërkombëtare, që të shërbejnë si garanci për kreditë e marra nga biznesi në të ardhmen.
- Mbulimi i kontributeve të sigurimit të punonjësve që tashmë nuk punojnë në bizneset shqiptare, sidomos vëmendje e veccantë t’u kushtohet SME-ve, që përbëjnë dhe shumicën e bizneseve në Shqipëri.
- Të ngrijnë pagesat e taksave të të huave për një periudhë të caktuar, gjë e cila u pasqyrua më së miri në vendimin e fundit që mori qeveria shqiptare dhe BSH në lidhje me shtyrjen e afatit të pagimit të kësteve të kredisë për biznese dhe individë. Urojmë që ky vendim të zbatohet sicc duhet nga bankat e nivelit të dytë apo institucionet e kredidhënies.
Duke ndjekur shembullin e vendeve të tjera europiane, qeveria dhe banka qendrore duhet të marrin masa për të mos lejuar frenimin e ekonomisë në kushtet e forta të mbrojtjes nga
COVID19. Pandemia COVID19 nuk duhet të sjellë një pandemi ekonomike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
