Për herë të parë në Shqipëri krijohet trupa e audituesve të energjisë. Audituesit janë pjesa thelbësore dhe më e rëndësishme e procesit të auditimit të energjisë pasi janë ata, që nxjerrin të dhënat, që përgatisin raportet dhe ja dërgojnë Agjencisë së Efiçencës së Energjisë për konfirmim.
Produkti final i punës së audituesve do të jetë raporti dhe çertifikata e energjisë së ndërtesave ku do të tregohet qartë sa kw/orë për m2 harxhohet në ditë në secilin apartament dhe ndërtesë. Certifikata do të jetë një dokument, shpallja e të cilit do të jetë e detyrueshme në rast se do të blejmë apo do të shesim një apartament apo do ta marrim atë me qera.
Lexoni: Pandemia nxit novacionet në fushën e mjekësisë
Proçesi i auditimit të ndërtesave do të jetë një vlerë e shtuar pasi nëse një banesë, që auditohet do të ketë një klasë energjie të ulët atëherë kostot për mirëmbajtje e kësaj banese do jenë automatikisht më të ulëta.
Efiçenca e energjisë nuk do të jetë detyruese për të gjitha ndërtesat në vend. Ajo do të jetë detyruese për ndërtimet e reja, për ndërtime në shitje dhe ndërtimet, që do të jepen me qera, gjithashtu edhe për konsumatorë të mëdhenj të energjisë, që konsumojnë mbi 1 milion kw/orë në vit.
Kriteret për tu pajisur me Certifikatën e Audituesit të Energjisë
Për t’u pajisur me certifikatën e audituesit të energjisë, kandidatët duhet të zotërojnë një bachelor ose master në fushën e inxhinierisë, (ndërtimi, mekanike, arkitekturë, elektrike, mjedisi) dhe gjithashtu edhe ata persona, të cilët kanë mbaruar një bachelor në ekonomi dhe kanë kryer një master në inxhinieri.
Ne tregun shqiptar do të jenë tre lloj audituesish: auditues i proçeseve, i cili merret me auditimin e pajisjeve industriale, auditues i ndërtesave, i cili merret me blloqe ndërtesash, ndërtesat e reja, ekzistuese, ndërtesa publike, dhe së fundmi auditues procesesh dhe ndërtesash, i cili auditon të dyja rastet.
Lexoni: PlayStation 5: Sony shtyn prezantimin e lojërave për shkak të protestave në SH.B.A.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English