PlayStation 5: Sony shtyn prezantimin e lojërave për shkak të protestave në SH.B.A.

Sony ka vendosur që të shtyjë eventin lidhur me prezantimin e pajisjes së re PlayStation 5. Përmes një deklarate, gjigandi i lojërave elektronike nuk ka përmendur në mënyrë direkte trazirat në SHBA, por deklarata zyrtare aludon një gjë të tillë: “Ne nuk e ndiejmë se është koha për të festuar”, teksa ka shtuar se “më e rëndësishme është të dëgjohen zërat kryesorë”. Sony kishte planifikuar që të enjten të prezantonte disa prej lojërave për Playstation 5.

Ndonëse Sony iu referoi indirekt protestave në njoftimin e saj për shtyrjen, ka qenë më e qartë rreth pikëpamjeve të tyre në postimet e mëparshme në rrjetet sociale. “Ne denoncojmë racizmin sistematik dhe dhunën ndaj komunitetit me ngjyrë. Ne do të vazhdojmë të punojmë drejt një të ardhme të shënuar nga ndjeshmëria dhe drejtësia. Mbështesim krijuesit, lojtarët, të punësuarit, familjet dhe miqtë tanë me ngjyrë. #BlackLivesMatter”.

PlayStation 5 pritet të ofrojë atë që Sony po e quan një “evolucion” audioje. Në një prezantim të hershëm kompania theksoi se PlayStation 5 do të hapë një rrugë të re në perceptimin e audios, falë njësisë së re proçesuese që përmban. “Duke instaluar një njësi proçesuese të 3D audio, kemi bërë të mundur sjelljen e eksperiencave të larmishme dhe të sofistikuara në audion 3D”.

BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale