LikSad e-Bike është aktiviteti i themeluar nga 21 vjeçari, Sadi Lika, i cili ofron me qera biçikleta elektrike, ekologjike, shoqëruar me guidë turistike dixhitale.
Sadi Lika është dizenjuesi i biçikletave elektrike, ku më pas ato prodhohen në Kinë. Momentalisht aktivitetin e tij e ushtron në Durrës, ku i jep biçikletat me qera për turistët, si dhe këta të fundit mund t’i marrin ato për ture në vende të ndryshme. Së shpejti ai do të zgjerojë aktivitetin e tij edhe në Tiranë.
Gjithçka nisi kur ai përdori vetë një biçikletë elektrike dhe vendosi që këtë mundësi t’ua jepte dhe të tjerëve me aktivitetin e tij.
Me një grant të marrë nga IDEA në Korrik të këtij viti ai nisi sipërmarrjen e tij, ku tashmë ka dy të punësuar të tjerë, që rrinë në dyqan dhe që merren me riparimin e biçikletave.
Në vizionin e tij të së ardhmes janë makinat elektrike “Pas 5 vitesh duam të kalojmë tek makinat elektrike,” thotë Sadi.
“Ajo është e pajisur me bateri dhe motorr elektrik për ta bërë pedalimin më te lehtë dhe argëtues. Energjia që harxhon kur pedalon biçikletën elektrike është e barabartë me energjinë e harxhuar kur ecën,” thekson një nga anët pozitive të biçikletave Sadi. Në planet e tij gjithashtu është edhe kthimi i biçikletave normale në elektrike.
“Jam i pari dhe i vetmi në Shqipëri që ka biçikleta elektrike,” shton ai.
Ai së fundi ka fituar edhe kompeticionin Betapitch Tirana 2019, ku do të konkurojë në konkursin ndërkombëtar në Berlin, më 6 dhjetor me sipërmarrës nga e gjithë bota për shumën e 5000 euro / udhëtim në Silicon Valley, takim me investitorë, vizibilitet ndërkombëtar, e shumë mundësi të tjera.
Lexoni: BetaPitch Tirana shpall fituesin
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
