BetaPitch Tirana shpall fituesin

BetaPitch Tirana shpall fituesin


BetaPitch Tirana, eventi i cili ju dedikohet sipërmarrësve të rinj, startup-ve të cilët janë të fokusuar në fushën e teknologjisë, mbylli me sukses rrugëtimin e tij edhe këtë vit. Instituti Adriapol dhe Universiteti Marin Barleti në bashkëpunim me BetaHouse në Berlin, ishin ata të cilët bënë të mundur organizimin e këtij aktiviteti në Tiranë për të katërtin vit.

Idetë pjesëmarrëse ishin jo pak të njohura për publikun, pasi shpesh janë pjesë të startup-ve të ndryshme që mbahen në Tiranë. Këtë vit fituese u shpall ideja “Like Sad E-bike”, ide e cila konsiston me dhënien me qera të biçikletave elektrike. Krijuesi i këtij startup, Sadi Lika do të përfaqësojë Shqipërinë në konkursin e madh BETA Pitch që do të mbahet në Berlin.

Juria ishte e përbërë nga figura të njohura si: Viven Duong, Kushtrim Shala, Arbër Çepani, Albana Pelinku dhe Suzana Guxholli. Aplikuan 14 startup-e dhe vetëm 12 prej tyre arritën të jenë konkurentë.

Lexo: Vjen për të katërtin vit radhazi BETAPITCH Tirana 2019

 “Qëllimi është që ne të bëjmë një network, t’ju mundësojmë startup-ve ndërkombëtarizim dhe të bashkëpunojnë me tregjet e jashtme. Përveç anës monetare, fakti që shkojnë në një vend si Berlini është mirë për këdo. Atje kanë mundësi të takojnë ëngjëj biznesi dhe partnerë për idetë e tyre”. 

Të gjithë konkurentët janë mentoruar për dy ditë me radhë, nga një juri diverse dhe nga sipërmarrës të rinj të suksesshëm. Një falenderim organizatorët kanë për të gjithë ekosistemet që mbështesin gjithmonë startup-e të reja në vend.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0