Rregullatorët anembanë globit po bëhen më serioze në lidhje me kriptot këtë vit, pasi shqetësimet rriten për ndikimin mjedisor të kripto-minierave dhe përdorimin e aseteve dixhitale për aktivitete të paligjshme.
Qeveritë po përballen me balancimin e nevojës për më shumë mbikëqyrje dhe mbrojtje të investitorëve me dëshirën e tyre për të fituar para në industrinë në zhvillim.
Në Rusi, Vladimir Putin ka treguar se ai mbështet një plan për të taksuar dhe rregulluar minierat e kriptove, në vend që t;i ndalojë atë siç u propozua nga banka e tij qendrore. Ligjvënësit kryesorë demokratë në SHBA, e cila është bërë qendra më e madhe e minierave të Bitcoin pas ndalimit të Kinës vitin e kaluar, kanë mbajtur seanca dëgjimore dhe kanë kërkuar nga kompanitë e minierave detaje mbi përdorimin e tyre të energjisë dhe emetimet e gazrave serrë.
Kombe të tilla si Britania e Madhe dhe Spanja po ndërmarrin hapa për të shtrënguar rregullat rreth reklamave mashtruese të kriptove, me një mbikëqyrës britanik që propozon të kufizojë marketingun e industrisë tek investitorët e pasur dhe me përvojë. Rregullatori financiar i Singaporit u tha kompanive të kriptove që të përmbahen nga reklamimi i shërbimeve të tyre për publikun.
Ndërkohë, rregullatorët në Estoni dhe SHBA po përpiqen të godasin atë që një zyrtar amerikan i quajti “malet” e mashtrimit në hapësirën e aseteve dixhitale, pasi ata shohin se monedhat përdoren për evazion fiskal, pastrim parash dhe madje edhe financim terrorizmi.
Bloomberg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
