Lexim apo video-lojëra. Këshilla e nxënëses për bashkëmoshatarët dhe mësuesit - Business Magazine Albania

Lexim apo video-lojëra. Këshilla e nxënëses për bashkëmoshatarët dhe mësuesit


Nga Moa Malaj

(Nxënëse në klasën e gjashtë, shkolla “Kosova” me një nga esetë e saj më të vlerësuara).

Fëmijët sot në botë, përditë e më tepër kanë filluar të shkëputen nga libri. Leximi i librave sa vjen e po zbehet. Ata e kalojnë kohën e lirë në internet dhe përpara televizorit. Ne dhe të gjithë të tjerët duhet të kujdesemi më shumë për leximin.

Video-lojërat, televizioni dhe rrjetet sociale janë hajdutët më të tmerrshëm. Ata pa kuptuar na vjedhin kohën tonë të shtrenjtë. Ato më shumë na sjellin probleme se sa na edukojnë. Nga këto të fundit marrim informacion të bollshëm, por të pa dobishëm. Interneti është burimi i çdo përgjigje por këto përgjigje vihen gjithmonë në pikëpyetje pasi të gjithë kanë të drejtë të shkruajnë dhe të komentojnë.

Libri është një mik që nuk të lë kurrë në baltë. Televizori t’i jep të gjitha gati dhe nuk të lejon të zhvillosh imagjinatën, ndërsa libri të fton të udhëtosh dhe të eksplorosh bashkë me të ëndrrat e tua më të bukura. Ai është një mik i mrekullueshëm dhe i pazëvendësueshëm. Televizori, dëmton memorjen dhe nxit dembelizmin. Ai nuk të përcjell emocionet që të dhuron leximi i librit.. Ndërsa nga libri mësojmë gjithmonë faktet dhe të vërtetën.

Fëmijët duhet të bisedojnë më shumë me njëri-tjetrin në lidhje me librin, në mënyrë që t’u shtohet dëshira për të lexuar. Mësuesit duhet t i nxitin fëmijët të lexojnë sa më shumë libra nëse duan të bëhen dikush në jetë. Prindërit duhet tu blejnë herë pas here libra fëmijëve. Nxënësit duhet të jenë shembulli më i mirë i leximit të librave dhe jo të bëjnë të kundërtën. Fëmijët duhet ta konsiderojnë librin si një univers më vete dhe nuk duhet të lexojnë sa për të kaluar radhën. Asnjëherë nuk duhet ti neglizhojmë librat. Brenda vetes çdo libër fsheh një thesar të çmuar.

Nëse do të jesh i ditur lexo dhe mos e humb kohën kot. Libri të edukon. Ai të mëson ç’janë ndjenjat. Libri të hap dritare dhe horizonte të reja. Ai nuk të mëson kurrë gjëra të gabuara. Një njeri i ditur ka thënë: “Ka krime më të rënda se djegia e librave, një ndër ato është të mos i lexosh”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0