Lehtësohen kriteret për fermerët që mund t'u rimbursohet nafta - Business Magazine Albania

Lehtësohen kriteret për fermerët që mund t’u rimbursohet nafta

fermerët

Në mënyrë që mund të fitojnë fermerët e duhur nga skema e mbështetjes së naftës, Ministrja e Bujqësisë dhe Zhvillimit Rural ka zhvilluar një mekanizëm. Instrumenti përfshin edhe fermerët që nuk mund të vërtetojnë se kanë marrë tokë bujqësore me qira, për të përfituar nga skema e naftës pa taksa. Në një takim me qytetarë, ministrja Ekonomi tha njëkoëhësisht se afati është zgjatur deri në datën 30 Mars. Kjo u bë për shkak të mbi 6200 aplikimeve të reja për t’u pajisur me NIPT.

Ekonomi ftoi fermerët të aplikojnë për t’u pajisur me kartën e fermerit, ndërsa theksoi se qeveria synon rritjen e mbështetjes buxhetore për këtë skemë në vitet e ardhshëm.

Aplikimet për skemën e mbështetjes me naftë pa taksa kanë nisur më 15 janar të këtij viti. Deri në fund të muajit shkurt, sipas të dhënave të Ministrisë së Bujqësisë dhe Zhvillimit Rural, deri në fund të shkurtit në portalin e-albania ishin regjistruar 15 120 fermerë.

Lexo: AgroTimeAl, aplikacioni për agroturizmin shqiptar

Sipas të dhënave zyrtare, në vendin tonë janë rreth 350 mijë familje fermere.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0