Lars Silberbauer, zëvendëspresident pranë Viacom Digital Studios, është folës në Spark.me


Lars Silberbauer është zëvendës president i lartë pranë Viacom Digital Studios, një divizion i fokusuar në krijimin dhe shpërndarjen e përmbajtjes dixhitale në brandet globale të Viacom, përfshirë MTV, Nickelodeon dhe Comedy Central.

Lars ka punuar si Drejtor Global i Social Media dhe Video në kompaninë LEGO, ku ndërtoi nga e para startegjinë për mediat sociale dhe video të kompanisë së njohur të inovacionit të lojërave.

Ai ishte përgjegjës për strategjinë globale të LEGO dhe performancën në rrjetet sociale, kërkim dhe ekzekutim, kanalet e YouTube, LEGO TV dhe ekuivalentin kinez. Është e vështirë të imagjinosh se kur Lars filloi, kompania nuk kishte një faqe zyrtare të LEGO, ndërsa në vitin 2015 Adweek e renditi LEGO si kompania numër një në Social Media dhe YouTube në industrinë e lojërave.

Lars njihet si një nga 25 marketerët më inovativë dhe influencues në Europë sipas Holmes Report. Ai ka investuar në komunitetin dixhital si një këshillues për startup-et. Lars është gjithashtu anëtar bordi pranë #iamtheCODE, i cili ndihmon femrat e paprivilegjuara nga Afrika dhe Azia për t’u bërë lider dixhitale.

Biletat e Spark.me janë në dispozicion në faqen zyrtare të konferencës www.spark.meÇmimi i plotë i biletës është 300 €. 

Kliko këtu për t’u njohur me të gjithë folësit e Spark.me: https://bit.ly/2VrVjzT

Spark.me, një nga konferencat më të kuruara të biznesit/internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivarit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale