Lars Silberbauer nga LEGO vjen si folës në Samitin “LEAP 2017” - Business Magazine Albania

Lars Silberbauer nga LEGO vjen si folës në Samitin “LEAP 2017”


Ekipi organizues i Samitit ‘LEAP 2017’, një nga konferencat rinore më të mëdha në Europë, e cila do të mbahet në datat 11-13 Maj, në Zagreb, Kroaci ka shpallur folësin e ri të ‘Leap Summit 2017’ – Lars Silberbauer Andersen, krijuesi i suksesit global të LEGO-s në median sociale dhe platformat video.

Me bazë në Londër dhe me ekipin në SHBA, Danimarkë, Shangai dhe Singapor, Lars drejton veprimtarinë strategjike dhe ekzekutive të kompanisë së mirënjohur dhe inovative të lodrave LEGO në median sociale. Ai ka zhvilluar angazhimin e kompanisë në median sociale nga e para dhe ka krijuar një organizatë globale.

Kur ai filloi punën në kompani, LEGO nuk kishte as edhe një faqe zyrtare. Në vitin 2015 Adweek e renditi LEGO-n si markën numër një në median sociale dhe YouTube në industrinë e lodrave. Lars është cilësuar si një nga 25 marketerët më të rinj dhe më me ndikim në Europë nga “Holmes Report”. Ai mban BA dhe MA në “Digital Media Science” dhe një HD në “Innovation and Organizational Strategy”.

Organizatorët e Samitit LEAP 2017 do të prezantojnë më shumë folës në javët në vazhdim.

Biletat e Samitit LEAP 2017 i gjeni në faqen zyrtare të konferencës. Çmimi i plotë i biletës është 200€. Por, të gjithë palët e interesuara mund të përfitojnë nga ulja e çmimit të biletës dhe mund ta përfitojnë atë për 40€ në rastin e studentëve dhe 80€ për sipërmarrësit e rinj.

Biletat e konferencës së Samitit LEAP përfshijnë: akses të plotë për 3 ditët e konferencës, akses në të 5 fazat, fjalime fantastike nga folës të njohur botërisht, akses në workshop-e, akses i plotë në të gjitha eventet Networking – ku do të njihni njerëz nga e gjithë bota, seanca me Mikrofon të hapur + Takime të shpejta dhe mundësi bisedimi me kompani dhe folës, materiale dhe pije freskuese, çertifikatë pjesëmarrjeje, akses në sallën e ekspozitave, akses në sallën e pritjes, program i pasur jo-formal, akses në takimin hapës “LEAP Attendees”, akses në eventet para dhe pas konferencës.

“LEAP Summit 2017” është një konferencë ndërkombëtare që mbledh më shumë se 1000 studentë ndërkombëtar, profesionistë të rinj dhe sipërmarrës të rinj që janë krijues të trendeve dhe drejtues të shquar në komunitetet e tyre. Ky është një event 3 ditor, i dizenjuar për individë të cilët duan të ndryshojnë botën dhe të krjojnë të ardhmen. Samiti LEAP 2017 do të zhvillohet gjatë periudhës 11 dhe 13 Maj 2017 në ambjentin e “Student Center” në Zagreb. Konferenca është organizuar çdo vit që nga viti 2016 nga HUKI. HUKI është një organizatë ndërkombëtare që i dedikohet promovimit të kulturës së sipërmarrjes dhe edukimit rreth qasjeve kreative dhe inovative për zgjidhjen e sfidave të botës reale në komunitetet lokale.

Për më shumë informacion klikoni në:

Faqen zyrtare të Samitit LEAP: http://www.leapsummit.com/,

Facebook: https://www.facebook.com/LeapSummitZagreb 

Twitter: https://twitter.com/LeapSummitZg.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0