Lamborghini ka bërë të ditur ka arritur 2 rekorde historike për kompaninë. Sipërmarrja prodhoi Avendadorin e 8000-të dhe Huracan e 11000-të.
Aventador-i i 8000-të, është një S Roadster i përfunduar me ngjyrë Gri Telesto dhe është destinuar për tregun japonez.
Ndërsa Huracan i 11000-të, është i mbaruar me një ngjyrë Blue Nethuns dhe do të shitet në Itali.
Në muajin Mars, Lamborghini tha se ka prodhuar mbi 10000 Huracan, me rreth 250 makina të prodhuara në muaj. E thënë ndryshe, 8 makina në ditë. Prodhimi i 7000 Aventador u anunçua në muajin Tetor të vitit që shkoi. Numri i dërgesave është shtuar me 11% në gjysmën e parë të vitit 2018. Në total, plot 2327 makina duke e çuar në një vit tjetër me rekord shitjesh.
Por, me gjithë këto shifra, rivali Britanik McLaren ka realizuar më shumë shitje përgjatë 4 muajve të parë të vitit 2018, ndonëse me disa mangësi të vogla në statistika.
Lamborghini i ri Urus, pritet t’i përmirësojë shifrat për kompaninë italiane. Urus erdhi në momentin kur tregu është i etur për crossover të tillë.
Suksesi i modelit më të vjetër, i Aventador, mund t’a shtyjë kohën se kur ky model do të zëvendësohet. Aventador pritet të zëvendësohet me një V12 aspirim natyral hibride. Dizajni pritet të jetë i inspiruar nga një nga modelet e limituara, të cilat kanë në bazë pikërisht këtë model.
Por, duhen edhe minimalisht 5 vite që të prezantohet një zëvendësues për Aventador . Specifikat e modelit me motor me aspirim natyral, me 4 rrota aktive, me 12 pistona dhe me motor në mes, e bëjnë Aventador-in tepër unik dhe ulin mundësinë e një konkurenti të ri për këtë model në treg.
Influenca e Volkswagen Group duket se nuk ka shkaktuar pasoja negative brenda kompanisë…të paktën nga ana ekonomike.
Por a duhet që kompani me një traditë të tillë të synojnë shitje dhe të humbin të shkuarën?! Apo të fokusohen tek tradita dhe filozofia e vjetër e kompanisë?!
Burimi: The Drive
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto