Ky është shteti më i mirë në botë për të rritur fëmijët tuaj

Ky është shteti më i mirë në botë për të rritur fëmijët tuaj


Nëse jeni duke krijuar familje ose tashmë keni fëmijë, mund t’ja vlejë t’i hidhni një sy Norvegjisë, e cila sipas një studimi të fundit, ofron mjedisin më të mirë për të rritur gjeneratën e ardhshme.

Shteti skandinav renditet para Koresë së Jugut (e dyta), Hollandës (e treta), Francës (e katërta) dhe Irlandës (e pesta). Kjo renditje është bërë duke marrë në konsideratë një sërë faktorësh që kanë të bëjnë me mirëqenien e fëmijëve, thotë raporti i kësaj jave i The Lancet. Këta faktorë përfshijnë fushën e shëndetësisë, edukimit dhe ushqimit.

Në 180 vendet e listuara në “indeksin e lulëzimit të fëmjëve”, Amerika u rendit në vendin e 39-të, pak para Kinës (e 43-ta) dhe Kubës (e 46-a).

Kombet udhëheqëse, të cilat u renditën përkrah disa prej vendeve më të pasura në botë, rezultuan se kanë sisteme superiore në kultivimin e zhvillimit të fëmijëve, si dhe politika shumë të mira të shkollave, spitaleve dhe mjedisit.

Lexo këtu: Fëmijët e nënave në karrierë, rriten po aq të lumtur sa ata të nënave në shtëpi

Vendet me zhvillim të ulët si Somalia, (e 178-a), Çadi (i 179-i) dhe Republika Qendrore Afrikane (e 180-a) ranë në renditje.

Sidoqoftë, Organizata Botërore e Shëndetit, e cila ishte mes 40 organizatave të kujdesit shëndetësor që hartuan raportin, u tha se asnjë vend nuk po bënte mjaftueshëm për të mbështetur gjeneratën e ardhshme.

“Ky raport tregon se vendimmarrësit në botë po dështojnë shumë shpesh me fëmijët dhe të rinjtë e sotëm. Po dështojnë në mbrojtjen e shëndetit, të drejtave dhe planetit të tyre”, tha Dr Tedros Adhanom Ghebreyesus, drejtori i përgjitshëm i Organizatës Botërore të Shëndetit.

“Kjo duhet të jetë thirrje për t’u zgjuar për të gjitha vendet, që të investojnë në shëndetin dhe zhvillimin e fëmijëve, të sigurohen që zëri i tyre të dëgjohet, të mbrojnë të drejtat e tyre dhe të ndërtojnë një të ardhme që u përshtatet fëmijëve”, vijoi ai.

Gjithashtu, raporti i renditi vendet sipas nivelit të emetimit të karbonit dhe specifikisht nivelin e planifikuar deri në vitin 2030.

Sipas raportit, shumë nga vendet kryesore në “indeksin e lulëzimit të fëmijëve” ranë në renditje.

Në këtë, Norvegjia u rendit e 156-a dhe Amerika e 173-ta.

“Nga krizat klimatike tek obeziteti dhe reklamat e dëmshme të marketingut, fëmijëve nëpër botë u duhet të përballen me kërcënime që kanë qenë të paimagjinueshme disa gjenerata më parë”, shtoi Henrietta Fore, drejtoresha ekzekutive e UNICEF.

CNBC

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0