Bitcoin është ulur me rreth 36% nga vlera e tij më e lartë e të gjitha kohërave e arritur në Nëntor. Por, rënia e vlerës ka një të mirë, falë një boshllëku në kodin tatimor që ndihmon investuesit e kriptove të mbrojnë fitimet e tyre nga IRS.
IRS i trajton kriptovalutat si pronë, që do të thotë se sa herë që shpenzoni, shkëmbeni ose shisni tokenat tuaja, ju po regjistroni një veprim të tatueshëm. Gjithmonë ka një ndryshim midis asaj se sa keni paguar për kripto-n tuaj, që është baza e kostos dhe vlerës së tregut në kohën kur e shpenzoni atë. Ky ndryshim mund të shkaktojë tatimet mbi fitimet kapitale.
Por, një metodë kontabiliteti pak e njohur e quajtur HIFO, mund të ulë ndjeshëm detyrimet tatimore të një investitori.
Kur shisni kripto-n tuaj, mund të zgjidhni njësinë specifike që po shisni. Kjo do të thotë që një mbajtës i kriptove mund të zgjedhë bitcoin-in më të shtrenjtë që ka blerë dhe ta përdorur atë numër për të përcaktuar detyrimin e tij tatimor. Një bazë kostoje më e lartë përkthehet në më pak taksë mbi shitjen tuaj.
Lexo edhe : Çmimi i bitcoin bie në vlerën më të ulët që nga shtatori! Ja çfarë po ndodh
Por, përgjegjësia i takon përdoruesit për të ruajtur gjurmët. Ndaj, ruajtja e plotë e kontabilitetit është thelbësore. Pa regjistrime të detajuara të transaksionit të tatimpaguesit dhe bazës së kostos, llogaritjet në IRS nuk mund të vërtetohen.
“Njerëzit e përdorin rrallë sepse kërkon një ruajtje shumë të mirë të të dhënave ose përdorimin e softuerit kripto”, shpjegon Shehan Chandrasekera, një CPA dhe drejtuese e strategjisë tatimore në kompaninë e softuerit të taksave të kriptomonedhave CoinTracker.io. “Por, fakti është se tani shumë njerëz po e përdorin softuerin që bën këtë lloj kontabiliteti super të lehtë. Ata thjesht nuk e dinë se ekziston.”
Truku i kontabilitetit HIFO është ruajtja e detajeve të hollësishme për çdo transaksion kripto që keni bërë për secilën monedhë që zotëroni, duke përfshirë kohën kur e keni blerë dhe për sa, si dhe kur e keni shitur dhe vlerën e tregut në atë kohë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English