Pandemia e Covid-19 ishte një goditje e rëndë për artistë si Cam Rackam. Artisti 42-vjeçar nga Huntington Beach, Kaliforni, pa të gjithë sipërmarrjen e tij të vuante. Ekspozitat e artit u mbyllën dhe shitjet u ngadalësuan.
Rrjedhimisht Rackam iu drejtua botës së artit digjital.
Deri në vitin 2021, Rackam kishte fituar para, duke shitur një vepër artistike deri në rreth 11,000 dollarë për një pikturë dhe një skulpturë që e shiti në 2015-ën. Por, kjo ndryshoi shumë shpejt, pasi Rackam filloi të krijonte art digjital NFT, ose tokena të pandryshueshme.
Rackam thotë për CNBC Make It se, ai kishte parë suksesin e koleksioneve të njohura të artit digjital të NFT-ve, si Bored Ape Yacht Club dhe projekti prej 69 milionë dollarësh i Beeple dhe vendosi se kjo mund të ishte një hapësirë argëtuese dhe fitimprurëse që mund t’a eksploronte.
View this post on Instagram
Rackam fillimisht kontaktoi një faqe memesh të njohura në Instagram të quajtur @wallstmemes dhe i pyeti nëse dëshironin të bashkëpunonin për një koleksion NFT. Ata ranë dakord dhe Rackam krijoi mijëra vizatime të një demi me temë nga Wall Street.
Me Rackam, i cili dizenjoi tokenat dhe faqen e memeve, e cila i rriti shitjet duke i shpërndarë në kanale digjitale si Discord, dyshja e shiti koleksionin prej 10,000 NFT-ve në vetëm 32 minuta pas linçimit.
“Në pesë minutat e para, rreth 2,250 prej tyre ishin shitur,” tha Rackam. “Por, më pas kuptova në minutën e tetë ose nëntë, se kishim arritur në më shumë se gjysmën e rrugës. Fillova të mendoj: “O zot, ne do ta shesim këtë gjë.”
Lexo edhe: Punonjësit e Salesforce revoltohen për lëvizjet NFT
Koleksioni kishte vlerën e 660 Ethereum, i cili ishte i barabartë me 2.6 milionë dollarë në kohën kur u shit. Megjithatë, nga përqindja e tij e Rackam fitoi mbi 738 mijë dollarë.
Rackam nuk është i vetmi artist që ka arritur sukses duke shitur NFT. Shitjet e aseteve digjitale arritën në 17.6 miliardë dollarë në fund të vitit 2021.
Ndërkohë, shumë studiues të këtij tregu paralajmërojnë gjithashtu se tregu NFT është bërë tashmë i mbingopur, me kombinimin e reklamave masive dhe spekulimeve që çojnë çmimet në nivele ekstreme dhe të paqëndrueshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
