Personi më i pasur në botën e YouTube është një fëmijë në shkollën fillore që bën miliona ndërsa realizon review me lodra të ndryshme.
Ryan, “prezantuesi” 7-vjeçar i Ryan ToysReview, një kanal popullor për review e lodrave në Youtube, nga vendi i 8 u rendit në të parin në listën vjetore të Forbes, të yjeve të YouTube, të cilët po bëjnë shumë para.
Lexoni: YouTube ofron filma pa pagesë, por me reklama
Një kanal familjar në YouTube, Ryan ToysReview grumbulloi rreth 22 milionë dollarë të ardhura nga data 1 Qershor 2017, deri më 1 Qershor 2018, sipas Forbes, nga 11 milionë dollarë më parë. Vlerësimi prej 22 milionë dollarësh e vendosi Ryan ToysReview edhe përpara yllit të padiskutueshëm Jake Paul (i cili fitoi 21.5 milionë dollarë).
Janë prindërit e Ryan, të cilët xhirojnë dhe prodhojnë videot (gati të përditshme) në llogarinë e Ryan që kur Ryan ToysReview filloi në Mars të vitit 2015.
Llogaria filloi kur Ryan, atëherë një adhurues 4 vjeçar i videove review të lodrave, i pyeti prindërit e tij pse ai nuk mund t’u bëjë gjithashtu review lodrave në YouTube.
Ryan ToysReview filloi me ritme të ngadalta derisa një video e Korrikut të vitit 2015 u bë virale. Videoja kishte në fokus Ryan ndërsa hapte dhe i bënte review një kutie, e cila përmbante më shumë se 100 lodra nga seria e “Makinave” Pixar. Ajo ka rreth 935 milionë shikime.
Kanali tani tenton t’u bëjë review lodrave të reja ose produkteve ushqimore të fëmijëve dhe videot zakonisht shfaqin komente serioze dhe entuziaste nga Ryan me udhëzime të ndryshme.
Lexoni: 17 kanale në YouTube që adhuruesit e makinave duhet t’i konsiderojnë
Këtë vit, Ryan fitoi një marrëveshje me Walmart për të shitur një linjë lodrash ekskluzive të quajtur “Ryan’s World” në mbi 2.500 dyqanet e SHBA dhe në faqen e internetit Walmart, sipas Reuters. Ryan’s World ishte më i shitur pas Pocket.
Ryan ToysReview ka 17 milionë ndjekës dhe ka marrë rreth 26 miliardë shikime, sipas Forbes.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
