Sipas një deklarate të parlamentit, ky vendim u mor në shenjë kontributi dhe solidariteti me qytetarët dhe bizneset e prekura nga masat kundër koronavirusit.
Lexoni: Bëhuni pjesë e nismës Adopto një Gjysh/e
“Byroja vendosi që, në kuadrin e masave për të lehtësuar përballimin e situatës së pandemisë, krijuar nga koronavirusi COVID-19, në shenjë solidariteti me qytetarët dhe bizneset e prekur nga masat ndaluese të koronavirusit, paga e deputetëve të Kuvendit të Shqipërisë të përgjysmohet për një periudhë tremujore”, shkruhet në deklaratën e Kuvendit.
Ndërkohë, Kryetari i Kuvendit, Gramoz Ruçi u është drejtuar me një letër drejtuesve të tridhjetë institucioneve kushtetuese dhe institucioneve të krijuara me ligj, që të marrin të njëjtën nismë, për përgjysmimin e pagës së tyre për një periudhë tremujore.
“Të marrin të njëjtën nismë, për përgjysmimin e pagës së tyre për një periudhë tremujore, si kontribut në lehtësimin e përballimit të nevojave për parandalimin e përhapjes së këtij virusi të rrezikshëm”, thuhet në deklaratën e Kuvendit.
Lexoni: Lulzim Basha: Nevojitet 90 milionë euro mbështetje në muaj
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
