Kurrë nuk keni qenë në gjendje të mbani një ditar më parë? Ky është formati i duhur për ju - Business Magazine Albania

Kurrë nuk keni qenë në gjendje të mbani një ditar më parë? Ky është formati i duhur për ju

Profesioni im është të shkruaj për produktivitetin dhe arritjet personale, prandaj pranoni një këshillë prej meje: Ju tashmë dini si të jeni të suksesshëm. Të gjitha këshillat e mira? Ju tashmë i keni dëgjuar ato. Pa dyshim që shumë njerëz ju kanë thënë të meditoni, të angazhoheni për të mësuar gjatë gjithë jetës , të përcaktoni qëllimet tuaja dhe pastaj t’i ndani ato në hapa të vegjël, të lexoni më shumë dhe, oh, të mbani një ditar .

Çelësi nuk është zbulimi i trukeve që nuk i keni ditur më parë. Truku qëndron tek fakti që të bëni që këshillat e arsyeshme që tashmë ju i dini të funksionojnë për ju. Kjo mund të jetë vërtet e vështirë. Meditimi, për shembull, tingëllon i thjeshtë. Por mijëra njerëz e kanë bërë atë të jetë një zakon i tyre. Mbajtja e ditarit (si të shkosh në palestër ) është e njëjta gjë. Ju filloni me qëllimet më të mira, vazhdoni për një kohë të caktuar, dhe më pas motivimi juaj lëkundet dhe ajo që ju mbetet juve është vetëm një tufë fletësh kryesisht bosh të pluhurosura.

Ndërsa gjetja e ritualeve dhe praktikave të duhura për ju është një çështje sprovash dhe gabimesh – si dhe me përshtatje të vazhdueshëm  – më shumë njohuri rreth gamës së opsioneve në dispozicion mund të ndihmojnë. Kohët e fundit kam hasur në dy këshilla të shkëlqyera për ata që më parë kanë dështuar në mbajtjen e ditarit

Një ide e lehtë për të mbajtur ditar

Ideja vjen nga tregtari Barry Davret përmes Medium. Në një postim të fundit , ai shpjegoi formatin e thjeshtë të  ditarit që përdor për të nxitur shkrimet e tij. I njëjti proces themelor mund të përdoret për të kapur ide biznesi, impulse krijuese, ose thjesht të qetësuar mendjen tuaj pas ditëve tuaja të lodhshme. Gjithçka që ju nevojitet është një fletore dhe një stilolaps.

Arsyeja që është kaq e pagabueshme është se nuk kërkon përpjekje të veçanta për të strukturuar ose analizuar mendimet tuaja, Davret shpjegon:

Filloni të shkurani në ditarin tuaj çdo natë para se të flini. Në ditarin tuaj, shkruani 10 deri në 12 përvoja nga dita juaj. Përvoja mund të jetë gjithçka. Mund të jetë diçka që e përjetoni vetë ose diçka që vëzhgoni.

Ju mund të dëgjoni një bisedë interesante në një kafene. Ju mund të derdhni një filxhan kafe të plotë mbi pantallonat tuaja në mes të një takimi. Çfarëdo që të jetë, shkruajeni. Shmangni çdo lloj filtrimi.

LEXO: Mënyra më e thjeshtë për të mbajtur ditar mirënjohje

(Ju mund t’i bëni gjërat edhe më të lehta për veten tuaj duke mbajtur shënim vëzhgime të denja për ditarin gjatë ditës, por kjo është krejtësisht opsionale.) Më pas , shkruani një ose dy mendime që u përplasën gjatë ditës. Pyesni veten: “Cilat ankthe, shqetësime ose ëndrra më pushtuan mendjen?” Dhe kjo është gjithçka që ju duhet të bëni çdo ditë (me të vërtetë, është kaq e thjeshtë).

Përveç përfitimeve të provuara për shëndetin mendor nga ky lloj shkrimi shprehës , periodikisht ju do të jeni të motivuar të shikoni prapa për atë që keni shkruar, shpjegon Davret, dhe kjo është kur ndodh magjia.

“Zgjidh një pjesë të shënimeve në ditarin tënd. Pyete veten se çfarë të mëson për veten, njerëzit ose jetën. Nuk do të gjesh përgjigje gjatë gjithë kohës. Ndonjëherë, do të hasni në mësime që do t’ju ndihmojnë në përmirësimin tuaj “, shkruan ai.

Dhe një ide edhe më e lehtë për të mbajtur ditar

Ende tingëllon shumë për ju? Autori Gretchen Rubin mund të ketë zgjidhjen perfekte për mbajtjen e ditarit edhe për mbajtësit më dembelë të ditarëve. Ajo sugjeron zakonin jashtëzakonisht të lehtë për të shkruar një kujtim të vetëm çdo natë para se të flini.

“Një fjali është e mjaftueshme. Kur e shikoj përsëri vite më vonë, ajo fjali e vetme  me të vërtetë i mban kujtimet të gjalla – me të vërtetë e kthen të kaluarën – e cila është një nga gjërat që vërtet doni të bëjë një ditar,” Rubin shpjegon. Shkenca është në anën e saj – studimet tregojnë se thjesht shikimi i përvojave të përditshme mund të na sjellë gëzim të madh.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0