Drejtoria e Përgjithshme e Parandalimit të Pastrimit të Parave, në funksion të mbrojtjes së qytetarëve, kërkoi bashkëpunim e Drejtorisë së Përgjithshme të Tatimeve, për të informuar çdo tatimpagues të regjistruar në sistemin tatimor, mbi rrezikun e mashtrimit nga persona të pa autorizuar.
Personat mashtrues paraqiten si përfaqësues legjitim të kompanive, me të cilat klientët e bankës kanë marrëdhënie biznesi në nivel ndërkombëtar.
Në këto raste, klienti e merr të mirëqenë këtë mesazh dhe kryen pagesën në një llogari tjetër bankare, e cila kontrollohet nga personat e përfshirë në këtë aktivitet të jashtëligjshëm.
Lexo: 18 mijë biznese paralajmërohen nga tatimet për shkeljet që bëjnë gjatë aktivitetit privat
Në momentin kur klienti kontakton me kompaninë përkatëse, kupton se ka qenë viktimë mashtrimi, pa pasur mundësi rikuperimi të fondeve, pasi ato tërhiqen menjëherë nga mashtruesit. Këto skema mashtrimi kanë prekur individë dhe biznese në vendin tonë, të cilët kanë pësuar humbje në vlera të konsiderueshme monetare.
Drejtoria e Përgjithshme e Parandalimit të Pastrimit të Parave, bën thirrje që nëse ndesheni me raste të tilla, të kryeni një komunikim paraprak (me telefon, faks, email) me kompanitë partnere, për t’u siguruar paraprakisht që ndryshimet janë bërë nga ana e tyre, për arsye legjitime dhe janë të miratuara prej tyre. Vetëm pas këtij konfirmimi mund vijoni me transferimin e vlerave monetare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
