“Doni Foods” ka marrë pjesë në “Fruit Logistica 2020”, ngjarja kryesore në botë për tregtinë globale të produkteve të freskëta. Kompania shqiptare, e specializuar në kultivimin, distribuimin dhe eksportin e produkteve të freskëta, mori pjesë për të tretin vit si ekspozues në një nga panairet më të mëdha.
Panairi “Fruit Logistica”, çdo vit mbledh mesatarisht 3,200 ekspozues dhe 78,000 vizitorë. Ai u mbajt me 5-7 Shkurt në Berlin, ku mblidhen kompani nga e gjithë bota që veprojnë në sektorin e agrobiznesit, si dhe eksportit dhe importit të produkteve të freskëta.
Lexo: 5 gënjeshtrat më të mëdha në industrinë ushqimore – A e dini se çfarë jeni duke ngrënë vërtet?
Ky panair është një platformë ideale që krijon mundësi vendtakimi global dhe lehtëson krijimin e kontakteve të reja, zgjerimin e partneriteteve si dhe identifikimin e blerësve potencial.
Këtë vit, një nga risitë e shumta, është se kompania Doni Foods po shfaqet me brandim të ri e cila ka kaluar nga “Doni Fruits” në “Doni Foods”. Ky ndryshim erdhi si nevojë për të përmbushur kërkesat e konsumatorëve duke ofruar një gamë më të gjerë të produkteve cilësore dhe të sigurta për shëndetin e tyre. Produktet e Doni Foods janë të çertifikuara me standarde ndërkombëtare nga programi i mirënjohur për sigurinë e prodhimeve bujqësore të freskëta, Global G.A.P, standard ky, i cili rritë besueshmërinë dhe sigurinë për klientët dhe konsumatorët.
Gjithashtu, risi tjetër për kompaninë “Doni Foods” është dizajni inovativ i stendës s “Fruit Logistica 2020”. Të inspiruar nga slogani “Nga Natyra në Jetë”, stenda është realizuar e tëra nga druri natyral. Idea ishte për të sjellur frymën e fermës dhe është i tëri i mbuluar me pemë dhe perime të freskëta. Bashkëpunëtorë kryesor për realizimin dhe organizimin e panairit si dhe për ribrandimin e kompanisë “Doni Foods” është agjencia e marketingut në Kosovë “Zero Pozitive”.
Lexo: Agro Challenge, mundësia e të rinjve në fushën e agrobiznesit
Për më tepër, pjesëmarrja në këtë panair rrit mundësinë e zgjerimit të kapaciteteve eksportuese, një faktor vendimtar në rritjen e kapaciteteve të kultivimit dhe prodhimit, që do të ketë ndikim direkt në krijimin e vendeve të reja të punës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
