Një sfidë startup-esh po zhvillohet në vend, kryesisht në 4 qytete: Tiranë, Vlorë, Shkodër dhe Korçë. Kompeticioni Agro Challenge ka kaluar në fazën e përzgjedhjes. Në Tiranë u përzgjodhën 5 ide të prezantuara nga studentë, startup dhe biznese të regjistruara. Këto ide janë në fushën e turizmit, inovacionit dhe shërbimeve.
Qëllimi i Agro Challenge është të nxisë shpirtin sipërmarrës të të rinjve në Shqipëri, por edhe në nivel ndërkombëtar. Agro Challenge është një projekt nga qeveria gjermane nëpërmjet GIZ-it dhe i zhvilluar nga Adriapol Institut.
Kriteret për bizneset e regjistruara janë: të kenë 5 vite të regjistruar në treg dhe të operojnë në 4 qytetet në Shqipëri, ku do të zhvillohet konkursi. Do zgjidhet një fitues nga 4 qytetet. Ata do të marrin pjesë në një bootcamp që do të zhvillohet në Tiranë. Sipas organizatorëve, më pas, do të ketë 1 konkurs kombëtar nga ku do të dalë një fitues, qw do të marrë pjesë në Agripreneurs Summit, Greqi në tetor 2020.
Në një intervistë të zhvilluar me Blerta Hoxhën organizatore e eventit, ajo theksoi se, “ka interes nga të rinjtë, të fokusuar në fushën e agrobiznesit. Pavarësisht se disa janë në fazën e parë të shfaqjes së interesit”.
Lexo: Sipërmarrësit e huaj, investime në teknologji për agrobiznesin
Juria është e organizuar në nivel kombëtar dhe përbëhet nga sipërmarrës. Qëllimi i jurisë është të selektojë idetë më të mira në fushën e agrobiznesit. Ka ide, të cilat bëjnë ndërthurjen e agrobiznesit me teknologjinë. Këto ide priten që të spikasin më shumë përpara jurisë”, sipas Blerina Hoxhës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
