Jeff Bezos ka marrë një lum kritikash për një reagim të vonuar ndaj shembjes vdekjeprurëse të magazinës së Amazon që ndodhi të premten në mbrëmje për shkak të kushteve të rënduara të motit.
Gjashtë punëtorë humbën jetën dhe një numër i panjohur janë zhdukur pas incidentit në Edwardsville, Illinois.
Ndërsa tragjedia po ndodhte, Bezos po festonte lançimin e tretë të fluturimit hapësinor të Blue Origin, i cili dërgoi dhe ktheu me sukses gjashtë pasagjerë në hapësirë.
Bezos postoi një foto në Instagram të ekuipazhit prej gjashtë anëtarësh, të cilët ishin duke buzëqeshur para se të fluturonin në hapësirë. “Ekuipazhi i lumtur këtë mëngjes në qendrën stërvitore…” ka shkruar Bezos në mbishkrimin e postimit.
Disa orë më vonë, themeluesi i Amazon shkroi në Twitter: “Lajmi nga Edwardsville është tragjik. Jemi zemërthyer për humbjen e shokëve tanë atje dhe mendimet e lutjet tona janë me familjet dhe të dashurit e tyre.”
Lexoni: Amazon përballet me një presion të ri mbi mbrojtjen nga COVID-19 në magazinat e saj
Ai shtoi: “I gjithë Edwardsville duhet të dijë se ekipi i Amazon është i përkushtuar t’i mbështesë ata dhe do të jetë pranë tyre gjatë kësaj krize.”
Por, duket se menjëherë pas postimeve të Bezos, shumë komentues shprehën zemërim për reagimin e tij.
“TURP PËR JEFF BEZOS! Ai ishte sot në West TEXAS! Punonjësit e tij humbën jetën”, shkruante një person në Twitter.
Një tjetër përdorues i Twitter tha: “Po luftoj të përmbaj zemërimin tim me Jeff Bezos i cili lëshoi raketën e tij ndotëse me karbon këtë mëngjes, pasi punëtorët e Amazon vdiqën në një tornado të rrallë dhjetori mbrëmë.”
Të paktën 70 persona dyshohet se kanë vdekur në Kentaki, pas tornados gjatë natës. Numri i të vdekurve nga moti ekstrem mund të kalojë 100 persona, tha guvernatori i Kentakit, Andy Beshear, gjatë një konference për shtyp të shtunën në mëngjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English