Shkencëtarët nga Universiteti i Teknologjisë Nanyang (NTU) thonë se struktura jo e brishtë e ConFlexPave siguron qëndrueshmëri më të gjatë dhe gjithashtu ul shpenzimet e mirëmbajtjes. Profesor Chu Jian, nga I3C tha se: “Ne kemi zhvilluar një lloj të ri betoni që mund të zvogëlojë në masë të madhe trashësinë dhe peshën e pllakave të trotuarit, duke bërë të mundur instalimin më të shpejtë të tyre, ku pllakat e reja përgatiten lehtë dhe ky material është ideal për shtëpitë e parafabrikuara.” Kjo shpikje jo vetëm redukton punën intensive, por edhe zvogëlon kohën e ndërtimit.
Betoni tradicional përbëhet nga përzierja e çimentos, zhavorrit, ujit dhe rërës. Edhe pse ky kombinim siguron qëndrueshmërinë e strukturës, dihet se betoni nën presion të madh mund të plasaritet. Në krahasim me përzierjen e zakonshme të çimentos, të cilat i japin strukturës forcë dhe fleksibilitet, ConFlexPave është inxhinieruar posaçërisht të ketë disa lloje të materialeve të forta të përziera me mikrofibra polimere. Betoni fleksibël duke qenë më i lehtë në krahasim me atë tradicional do e bëjë më të lehtë transportin e materialeve të ndërtimit.
burimi: phys.org
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
