Ndërsa inteligjenca artificiale po transformon botën e punës, një aftësi njerëzore mbetet e pakonkurrueshme, kreativiteti. AI mund të përpunojë miliona të dhëna dhe të gjenerojë zgjidhje, por nuk mund të krijojë ide origjinale, të kuptojë emocionet apo intuitën njerëzore.
Ekspertët e fushës theksojnë se inovacioni i vërtetë lind nga bashkëpunimi i ngushtë mes kreativitetit njerëzor dhe fuqisë analitike të AI-së. Siç shpjegon David Cropley, profesor në Universitetin e Australi së Jugut, AI nuk është një zëvendësues i aftësive njerëzore si kreativiteti, por një mjet që ne duhet të mësojmë ta menaxhojmë dhe përdorim.
Lexo gjithashtu: Mos e injoro! Microsoft do fshijë fjalëkalimet, afati po afron!
Një nga avantazhet më të mëdha të njeriut është aftësia për të kuptuar emocionet, intuitën dhe kontekstin, elemente që AI, pavarësisht avancimit teknologjik, nuk mund t’i përjetojë. AI mund të imitojë gjuhën dhe sjelljet njerëzore, por mungesa e një “modeli të botës” e bën të vështirë për të të kuptuar nuancat sociale apo qëllimet njerëzore në situata komplekse.
Leah Cooper, Drejtoreshë Digjitale në Sedgwick, një kompani që operon në një mjedis të rregulluar me kujdes, vë në dukje se kreativiteti është kyç për gjetjen e zgjidhjeve më të mira brenda kufizimeve të rrepta. Sipas saj, kreativiteti është arti i të pyeturit “Po sikur?” dhe guximi për të kërkuar përgjigjet që sjellin progres. Ky proces inovativ mund të ndodhë vetëm kur ne përdorim kreativitetin në bashkëpunim me teknologjinë.
Lexo gjithashtu: Spotify përmirëson përvojën e dëgjuesve për podcast-et
Ndërsa AI mund të ofrojë mbështetje të fuqishme në përpunimin e të dhënave dhe ofrimin e ideve të bazuara në modele ekzistuese, ajo nuk krijon ide të reja nga zero. Përkundrazi, AI është si një praktikant brilant që përpunon shumë informacion në një kohë të shkurtër, por që ende kërkon mbikëqyrje njerëzore për të siguruar që idetë e krijuara të jenë të vlefshme dhe etike.
Në epokën e re të punës, ata që do të arrijnë të krijojnë të ardhmen më shpejt janë ata që do të dinë të bashkëpunojnë me AI-në, duke përdorur fuqitë e tyre krijuese dhe intuitën për të nxjerrë në pah zgjidhje inovative. Kreativiteti njerëzor, i shoqëruar nga teknologjia, mbetet çelësi për suksesin në një botë gjithnjë e më të ndërlikuar dhe të shpejtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English